叱咤2022︳我最喜愛領先7強 MIRROR四子佔據男歌手名單 被雪藏陳凱詠成環球唯一希望

元旦舉行嘅《2022年度叱咤樂壇流行榜頒獎典禮》，主辦嘅商台公布第二輪投票中，我最喜愛的男歌手、女歌手及組合暫時領先嘅七強名單。

組合︰C AllStar ／ COLLAR ／ Dear Jane ／ ERROR ／ MIRROR ／RubberBand ／艾粒 ILUB

男歌手︰MC張天賦、呂爵安、林家謙、姜濤、陳卓賢、張敬軒、盧瀚霆

女歌手︰Serrini、方皓玟、岑寧兒、陳凱詠、陳蕾、鄭欣宜、衛蘭

組合方面領先嘅都係正路選擇，唯一出人意表嘅係fans唔少嘅新晉女團Lolly Talk暫時未能領先。女歌手之中，謝安琪、麗英同埋炎明熹都稍為落後，尤其是有「入屋」優勢嘅炎明熹未能將電視上嘅人氣轉化成選票。而打入女歌手七強嘅陳凱詠(Jace)，就成為環球唱片唯一有望打入「我最喜愛」五強嘅單位，諷刺嘅係Jace因為唔續約而被環球雪藏。

至於男歌手，7強之中4位都係「鏡仔」，其餘2位打入十強嘅MIRROR成員江𤒹生(AK）同柳應廷（Jer)暫時落後。到底我最喜愛的男歌手會唔會好似舊年咁，最後階段由4位鏡仔大戰張敬軒，相信要等星期五中午公布嘅最後5強名單。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！