【智能廁所 】英國新公廁 超勁功能防「Gathering」？

公廁「Gathering」，好多人都知咩事啦，總有啲人貪就手，甚至為咗慳房錢，喺公廁入面搞三搞四。咁做唔單止有違公德，仲好唔衛生，叫下一手點用呀？

英國小鎮Porthcawl就非常決斷，有見不時有人去公廁到Gathering，決定趁公廁翻新工程時拆毀舊廁所，重新建造智能廁所，主要係用嚟防止有人喺度Gathering！廁所入面嘅廁格，會設有感應系統， 一旦發現廁格中有任何激烈嘅郁動，或者有超過一個人嘅體重，廁格門就會自動打開、灑水功能開啟、發出刺耳響聲等。不過小鎮居民就非常反感，有人話好難計到咩叫「超過一個人體重」，萬一肥胖人士入去，又或者有需要人陪同嘅殘疾人士或老人家入去，又會觸動警報。政府就懶理批評，打算批出17萬英鎊先建好第一間咁話。

小鎮Porthcawl嘅廁所將會改建成智能廁所。

廁所入面嘅廁格，會設有感應系統。

有唔少居民反對智能廁所，認為係極道侵犯人權。

相關文章：

福岡三大新酒店比併-露天大浴場-近博多站-設消毒衣櫃

邊間最好食-葡萄牙4大必食葡撻推介

這是日本嗎-澀谷便利店30秒出現6隻老鼠

.

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！