中年好聲音︳龍婷rock女上身 林鉫徫暗黑化妝 吳大強回勇成MVP

TVB《中年好聲音》進入9強賽,亦係以累積排名得分賽爭取決賽資格嘅第二場賽事,今集唔少參加者都試新曲風,究竟邊個成功?

龍婷 《特別的愛給特別的你》

中年好聲音︳龍婷rock女上身 林鉫徫暗黑化妝 吳大強回勇成MVP

向來選唱柔情歌曲嘅龍婷,以皮褸rock女造型唱出《特別的愛給特別的你》,被張佳添盛讚有突破。而全晚都嗌交嘅肥媽同伍仲衡睇法各異,肥媽認為龍婷唱得有穿透力,但伍仲衡就希望可以有更溫柔嘅演繹。最終龍婷拎到84分。

周吉佩《我願意》

中年好聲音︳龍婷rock女上身 林鉫徫暗黑化妝 吳大強回勇成MVP
中年好聲音︳龍婷rock女上身 林鉫徫暗黑化妝 吳大強回勇成MVP

吉吉再次自彈自唱,今次揀咗王菲嘅《我願意》,聽落幾舒服。俾分有啲「手緊」嘅杜德偉認為吉吉唱嘅時候「乸埋口面」,好在後來有一下應該望住佢太太嘅笑容起死回生。而周國豐都認為,吉吉拎結他自彈自唱係合理,只係成個版本聽落有啲慘情,要加返啲溫暖感。話雖如此,但係評判都俾到84分,同龍婷同分。

李佳 《她來聽我的演唱會》

中年好聲音︳龍婷rock女上身 林鉫徫暗黑化妝 吳大強回勇成MVP
中年好聲音︳龍婷rock女上身 林鉫徫暗黑化妝 吳大強回勇成MVP

上次以澎湃嘅《上海灘》拎到最高分之後,李佳轉陣選唱張學友感情較為幼細嘅《她來聽我的演唱會》。張佳添認為李佳高音位聲線運用同張學友有出入,加上投入度未夠,令佢覺得只係OK,但李佳作為唱將,相信要改善唔難。而杜德偉劈頭就大讚李佳笑容可掬,佢亦俾到18分。呢首歌令李佳得到82分,足以過關但暫時落後俾勁敵龍婷。

支嚳儀 《頭髮亂了》

中年好聲音︳龍婷rock女上身 林鉫徫暗黑化妝 吳大強回勇成MVP
中年好聲音︳龍婷rock女上身 林鉫徫暗黑化妝 吳大強回勇成MVP

又係唱張學友,咁高難度嘅《頭髮亂了》支嚳儀又能唔能夠駕馭呢?Venus就話因為好鍾意首歌夠funk,仲搵左《聲夢傳奇2》嘅文佐匡(Sean)幫手寫英文rap詞。搞咗咁多不過只係得到77分,伍仲衡直言用呢首歌跳出comfort zone係「跳海」,一來冇groove二來唱得比較硬,仲踢爆支嚳儀第一次唱rap,認為唔應該比賽做從未做過嘅事。跳唱出身嘅杜德偉更加話支嚳儀一出場嘅舞步唔夠力度已經輸,而且冇用盡成個台嘅表演空間。

涂家堯 《味道》

中年好聲音︳龍婷rock女上身 林鉫徫暗黑化妝 吳大強回勇成MVP
中年好聲音︳龍婷rock女上身 林鉫徫暗黑化妝 吳大強回勇成MVP

本身排名包尾嘅涂家堯,今次演出四平八穩,曲尾仲加入一句讀白,連肥媽都讚唔錯。分數上有78分,未能夠幫佢爭取更多排名分。杜德偉認為涂家堯未能將呢首歌寂寞嘅味道唱出,而周國豐就建議家堯單純地將歌中感情唱出來會更感動。

顏志恒 《原來你什麼都不要》

中年好聲音︳龍婷rock女上身 林鉫徫暗黑化妝 吳大強回勇成MVP
中年好聲音︳龍婷rock女上身 林鉫徫暗黑化妝 吳大強回勇成MVP

黑馬嘅顏志恒唱得相當有火,而分數有80分,都應該可以保住前六位置。張佳添欣賞顏志恒勇於嘗試,但係佢同周國豐都認為演繹上怒火太多,令顏志恒聲線同音準都出事。而肥媽同伍仲衡就再次為分數嗌交,唉。

吳大強《月亮代表我的心》

中年好聲音︳龍婷rock女上身 林鉫徫暗黑化妝 吳大強回勇成MVP
中年好聲音︳龍婷rock女上身 林鉫徫暗黑化妝 吳大強回勇成MVP

前兩集有啲失準嘅Bill哥哥,聰明地以熟練嘅Bossa Nova曲風演繹,仲加入英文歌You are the Sunshine of My Life,當堂重拾水準,仲以89分成為全晚最高分。杜德偉再次講出重點,佢話吳大強有表演者應有特色,令人記得佢嘅形象。

羅啟豪《破曉》

中年好聲音︳龍婷rock女上身 林鉫徫暗黑化妝 吳大強回勇成MVP
中年好聲音︳龍婷rock女上身 林鉫徫暗黑化妝 吳大強回勇成MVP

林憶蓮嘅歌向來難以超越,而向來咬字清晰嘅羅啟豪,今次被張佳添點評因為咬字呢一點而影響演繹流暢度。肥媽更直言「英國豪」次次都向高難度挑戰,對參賽不利。唯獨杜德偉反而欣賞羅啟豪old school嘅風格,甚至俾到18分。結果羅啟豪有79分,中規中矩。

林鉫徫 《眼色》

中年好聲音︳龍婷rock女上身 林鉫徫暗黑化妝 吳大強回勇成MVP
中年好聲音︳龍婷rock女上身 林鉫徫暗黑化妝 吳大強回勇成MVP

力量型嘅林鉫徫化晒黑色眼妝唱迷幻風格嘅 《眼色》,俾杜德偉認為有啲「老江湖」,但係音域之廣連杜都佩服。巧合地每位評判都俾16分,令林鉫徫以80分繼續留喺8強。

中年好聲音︳龍婷rock女上身 林鉫徫暗黑化妝 吳大強回勇成MVP
中年好聲音︳龍婷rock女上身 林鉫徫暗黑化妝 吳大強回勇成MVP

今集MVP毫無懸念由吳大強贏得,加上係全晚最高分,令佢一舉拎到12分追返上第3位。而今集排尾2嘅涂家堯,喺累積排名得分賽制之中被淘汰。

中年好聲音︳龍婷rock女上身 林鉫徫暗黑化妝 吳大強回勇成MVP
中年好聲音︳龍婷rock女上身 林鉫徫暗黑化妝 吳大強回勇成MVP

至於整體排名,李佳同龍婷分佔前2位,分數亦開始拋離,應該穩陣入決賽。而暫時林鉫徫排第7,支嚳儀排第8,成為下一集出局高危人士。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!