Yahoo奇摩新聞 假如你的他已有另一半，以下 3 項你要注意
當你愛上一個人，但發現原來佢已經有另一半，呢個時候選擇繼續愛，就會成為破壞人地既小三，選擇唔愛，又真心鍾意呢個男人，唔捨得離開。好煩惱，到底點樣做先好？
為了愛情的你，請了解男人出軌既心態。
如果是因為新鮮感的話，你要明白，佢愛既並不是你，而係愛情新鮮既刺激感。如果一個男人真心愛妳，一定會比名份你，因此會選擇同女朋友分手。
分手會傷害到佢另一半的話，完全係 bullshit，咁就唔怕傷害到你？要你繼續係暗角做眾人唾棄的第三者？
所以當一個有女友男人愛上你，係拍拖之前，你一定要要求佢分手。因為愛情，容不下三個人。 如果佢百般藉口唔肯分手的話，咁答案已經好清楚啦。
如果對方有老婆，立即遠離。
呢個情況同有女朋友唔同。如果呢個男人因為你而選擇離婚，佢都有可能有日為其他女人同你離婚。結婚是一輩子的承諾，呢個男人曾經係對方面前答應過愛佢一生一世，無論任何情況都不離不棄。咁依家係咩情況？
出軌證明呢個男人講既承諾並唔可信，連結婚咁大既承諾都可以打破，咁呢個人講既嘢有幾成可以相信？仲點值得你美好既青春做押注？愛都無用，只能說 timing 唔啱、有緣無份啦。
如果單純是為了錢的話，你要注意。
有些女人會因爲錢，或者跟住呢個男人有得食好住好而選擇做小三，每個人既道德關口都不一樣，如果覺得被包養無問題既，就千萬唔好幫呢個男人慳。
反正佢係為新鮮感你係為生活，睇下邊個先消耗完對方然後瀟灑離場啦。當然，他日你假使真係遇到真愛，而男朋友知道你有一段咁既感情史既時候，你又承唔承受到呢個將來的後果呢？
Related Articles
More from Cosmopolitan
