【周末劇場】老中青都啱睇!微辣爆笑劇場+陳國邦夫妻檔合家歡音樂劇

時間不知不覺去到8月中喇,仲有半個月就要開學,大家都應該唔捨得暑假啦!踏入暑假,每逢周末都有唔少針對年輕人、小朋友嘅音樂劇、舞台劇。對比起入戲院睇場戲,呢類劇場親身所見所看,的確更為震撼。以下介紹呢個Weekend 3個劇場;各有捧場客,大家快啲睇下邊個啱自己!

適合一家大細:合家歡音樂劇

由香港兒童才藝學院主辦,呢個合家歡創意音樂劇由陳國邦、羅敏莊、張紋嘉主演,有過百位小學員共同演出。音樂劇以抵死貼地,加上音樂元素下,帶出香港小朋友面對嘅問題,及佢哋心底嘅說話,可以話娛樂兼意義都俱備。

《童話。兒童的心底話》

日期:8月16、17、18日

地點:香港理工大學賽馬綜藝館

購票:按這裡

年輕人最愛:微辣舞台劇

微辣Manner唔使多介紹啦,來自澳門嘅Social Media紅人;佢哋今次跳出網絡,舉辦一個集魔術、音樂、戲劇、棟篤笑於一身嘅舞台劇。出現嘅當然包括佢哋一眾演員例如加蔥、六毫子、霍哥、泰仔、Yelo等台柱。原本係澳門舉行,呢個星期先首次巡迴到香港,仲連加兩場,門票都就快爆滿,快手搶!

《可能好笑》魔術音樂劇

日期:8月16、17、18日

地點:香港浸會大學學堂

購票:按這裡

成年人舞蹈劇場:李小龍傳

去到成年人級數,大家可能對「城市當代舞蹈團」都有啲認識,無可否認當代舞唔係人人都啱睇,不過今次題目就好易入口,就係「李小龍」!舞蹈劇名為《小龍三次坊》,以李小龍一生作為藍本,創作出集合功夫、舞蹈、戲劇於一身嘅當代舞蹈劇場!

《小龍三次坊》

日期:8月16、17、18日

地點:沙田大會堂演奏廳

購票:按這裡

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!