【日本旅遊】日本必去溫泉鄉別府！抵食和牛＋一泊二食超靚景溫泉

香港終於天氣轉冷，凍到即刻想搵個溫泉浸下！要浸溫泉當然近近地可以去日本，而日本講起溫泉，連日本人都推崇備至嘅就係九州別府溫泉，被稱為「日本人的溫泉鄉」，眾多溫泉旅館點揀好？我哋就為大家整理兩日一夜行程，跟住玩同入住，享受一個兩日一夜溫泉行程！

Day 1

中午：日本獨有地獄八湯

由JR或自駕到別府後，第一站就係要到人人必去嘅「地獄八湯」，由8種不同溫泉組成，各自有其特色。其中例如「海地獄」，就係泉水全深藍色，另設溫室及大鬼蓮池及足浴池。另外血池地獄就係底部有含鐵量極高礦物，變成異常鮮血紅色，尤如血池。而「龍卷地獄」就係底部有150度泉水，由唔同泉孔經高壓定時噴出，最高可以噴到30公尺高！8大地獄，有時間可以去晒，唔夠時間去3、4個都可以。

8大地獄之一海地獄最多人去。

其中血池地獄最有視覺衝擊。

其他各大地獄仲有不同特色。

地獄八湯

地址：大分縣別府市各地

營業時間：8AM至5PM

中午：海洋表演Show「海之卵」

日本各地都有唔少大型水族館，別府呢一個名為「海之卵」嘅海洋館特色之一就係一日有十多場表演，當中有唔少新奇表現，例如水族箱中潛水員同熱帶魚互動、海豚海象表演等。當中最大型嘅「大回遊水槽」，有90種共1,500海洋生物嘅大水族箱，另外有大量七色珊瑚礁，非常壯觀！

大回遊水槽，有90種共1,500海洋生物嘅大水族箱。

有唔少海洋表演，有各種海洋生物。

海之卵為九州其中一個大型水族館。

海之卵

地址：大分市大字神崎宇3078番地22號

營業時間：9AM至6PM

住宿無盡靚景「杉乃井」

別府溫泉鄉，有眾多靚靚溫泉酒店，要一泊二食的話，不妨揀呢間杉乃井！杉乃井佔地面積大，而且規模大，一到12月就裝滿燈火燈飾，非常壯觀。而其中特色之一，就係入面嘅梯田式設計「棚湯」，可以睇住對面地獄八湯「海寺地獄」浸溫泉。五層高嘅棚湯尤如「梯田」，外觀都好有特色，記住揀一泊二食，好好享受一晚。而另一大優點其他溫泉旅館欠奉，就係有大型百貨公司，室內溫泉街，可以直接買齊手信！

別府溫泉杉乃井，有5層高梯田「棚湯」。

杉乃井係當地最大型溫泉酒店之一。

五層高嘅棚湯尤如「梯田」，外觀都好有特色。

杉井乃溫泉本館

地址：大分縣別府市觀海寺1

預訂：按這裡

Day 2: 本地和牛超抵食

去到第二日，食過酒店早餐，有時間去埋其他八大地獄湯睇，然後臨離開前，一定要試當地和牛代表豐後牛；而當中嘅代表就係「Somuri豐後牛牛排專門店」，雖然非常低調無特別門牌宣傳，但經常大排長龍。最開心係夠抵食，一份特大300克和牛，只係5,500日圓！用上鐵板上菜，完全唔怕會凍，入口即融！

別府和牛代表係豐後牛！

雪花分佈平均，入口即融。

店舖非常低調，每日只營業4小時。

Somuri豐後牛牛排專門店

地址：大分縣別府市北浜一丁目4-28笠岡商店2/F

營業時間：5:30PM至9:30PM

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊