朝聖打卡必去！台灣4大特色Starbucks

大家都知世界各地有唔少特色Starbucks，去旅行除咗會買當地特有嘅杯做手信或者收藏之外，仲會去當地嘅特色Starbucks朝聖打卡！以下同大家嚴選台灣4大特色Starbucks，近近地睇完保證大家想買機票即刻快閃！

1. 花蓮洄瀾門市

去開韓國大家都好鐘意去Common Ground嘅貨櫃商場打卡，原來全亞洲第一間貨櫃Starbucks就係坐落係花蓮！分店嘅外圍由白色貨櫃打造而成，而且縱橫交錯好似積木咁，裡面仲有一塊玻璃天窗俾大家睇日落，一邊飲咖啡一邊睇日落真係一大享受呀！

2. 淡水雲門門市

門市位於雲門劇場內，成間Starbucks即刻充滿濃厚嘅藝術氣息。門市外圍生態好似森林一樣，配上玻璃屋嘅設計，可以遠眺觀音山與淡水河出海口，應該係全台灣唯一結合文青同夢幻元素嘅門市。

3. 天母天玉門市

天玉門市分店係一座2層樓嘅歐式花園建築，設有露天座位區，外面有好多綠樹同紅花，充滿歐洲異國風情，令人有一刻好似置身係外國小鎮。如果大家怕曬都可以坐係裡面嘅弧形吧台，試下特色氮氣咖啡，感受片刻午後時光。

4. 嘉義民雄門市

民雄門市係車道型門市，如果大家係自駕遊都唔使驚！門市最吸引嘅一定係佢嘅高樓底，令人有置身係歐式教堂嘅感覺，深淺原木設計融合古典與現代，亦曾被網友稱為全台最靚Starbucks。

(圖片來源:台灣Starbucks官網）