著和服賞紅葉 6大注意事項 照片忌左右反轉、唔好噴香水...

紅葉季又到啦，北海道、東北同關東一帶已「見紅」，而踏入11月中，日本大部份地區都進入紅葉旺季，相信有唔少朋友都買定機票，準備出發賞紅葉，亦有唔少旅客打算租套和服，去影輯呃Like靚相。事實上，日本和服係當地重要文化之一，著上身唔多唔少都要顧忌下人地嘅文化，出發前麻煩熟讀以下6大規矩，以免冒犯咗別人而不自知。

準時
無論借衫定還衫，一定要準時到達。遲到固然係日本人禁忌，但若要你無啦啦早到一個小時以上，人地唔單止不滿，亦有可以有額外收費。

不能披頭散髮
唔少女仔都嫌自己包包面，試圖放把頭髮落嚟遮面，但原來呢個係大忌黎嫁!! 因為著和服，個頭一定要梳得整整齊齊，絕不能披頭散髮。如果你人地幫你Set好咗，你出到去偷偷地放返D頭髮落嚟，會比人覺得你唔尊重。

不能質疑別人的專業
和服租借店通常都會提供埋腰帶同幫你SET頭，要是你覺得人地襯得唔啱你心水，都不要質疑人地嘅專業。

唔好噴香水
一般和服都唔準大家噴香水的，如果和服沾染到味道時，店主有可能會收取清潔費。

唔好整污糟
著和服四圍行，一個唔小心會整污糟或整爛，賠錢之餘，又會被暗罵，何苦呢？

唔好左右反轉照片
用手機前置鏡頭自拍時，會令左右反轉的效果，和服變成右襟蓋左襟，這是亡者穿壽衣的習慣，所以影相或修圖時要特別注意領子的方向。

相片來源：mipper-minako ＠tumblr