金像獎紅地毯女星衣著逐個睇 周秀娜性感搶鏡冠絕全場

《第40屆香港電影金像獎》喺噚晚（7月17日）舉行實體頒獎禮，觀眾除咗想知各大獎項花落誰家外，大家同時亦期待女星盛裝出席行紅地氈嘅情況。今年一眾女星繼續喺紅地氈爭妍鬥麗，而家就同大家重溫一下女星登場嘅一面啦！

周秀娜
獲提名最佳女主角嘅周秀娜，以黑色透視天鵝絨裙現身，盡顯娜姐fit爆嘅線條，性感程度冠絕全場，自然成為紅地氈嘅焦點之一。

廖子妤
新鮮出爐「最佳女配角」廖子妤，以中門大開嘅黑色晚裝上陣，高貴溫柔又大方得體。

王丹妮
獲得「最佳新演員」嘅王丹妮（Louise），以一字膊薄紗半透馬甲晚裝示人，展現出時尚霸氣。

陳慧琳
久未露面嘅陳慧琳，噚日以裸色薄紗長裙驚喜現身，盡顯其高貴氣質。

陳漢娜
一頭金髮嘅陳漢娜（Hanna），穿上薄荷綠V領晚裝，可愛又時尚。

談善言
外表冷酷嘅談善言穿上藍黑Tube Dress，鮮有以性感造型亮相，十分搶眼。

林明禎
「大馬女神」林明禎以鮮黃色貼身長裙打扮示人，雖然夠晒搶眼，不過唔少網民就嫌唔夠性感。

謝安琪
謝安琪同樣大玩透視裝，雖然係黑色長袖加樽領嘅長裙，不過依然搶盡鏡頭。

蔡思韵
蔡思韵穿上單肩純白晚裝，盡顯高貴典雅。

袁澧林
灰藍highlight黑髮嘅袁澧林，穿上黑色入膊背心，帥氣有型得嚟又帶點小性感。

王敏奕
王敏奕黑色西裝褸內只穿上Bra Top，性感得來又不失型格。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！