Yahoo奇摩新聞 【電影LOL】美國攝製隊封城期間入武漢拍紀錄片 點解冇被官方阻撓？ 原因係……
全球受疫情所苦，同一時間有班電影人竟然異常勇猛深入武漢紀錄疫情！外媒Hollywood Reporter報導，今年3月時分別有2隊攝製隊抵達武漢拍攝新冠肺炎第一手情況。
美國製片人Malcolm Clarke連同為數20人嘅攝制隊伍於3月初抵達武漢，入住被指係爆發來源嘅華南海鮮市場對面一間酒店，為紀錄片Wuhan - A Season In Hell （意譯：武漢－地獄季節）作準備，方便隨時拍攝當地情況及訪問市場相關人士。成個攝製團隊拍攝初期被當地政府拘留，之後先得到許可放行。
佢地走訪多位義工、醫護人員及調查員，重組疫情爆發原因及應對措施等，據聞仲訪問到零號病人，世衛都未必做到咁深入嘅調查！團隊得到放行嘅原因，相信同紀錄片內容大有關係，有理由懷疑受訪對象都係當地政府安排，加上紀錄片仲會敍述中國政府48小時內喺全國召集8000名醫護人員到武漢幫手，仲有幾日起好方艙醫院嘅「奇績」！
經過官方加持，Wuhan- A Season in Hell就算係紀錄片，都分分鐘成為主旋律歌功頌德宣傳片。另一套可以深入災區拍攝嘅團隊，由我咃熟悉嘅「宇宙最強」甄子丹做執行監制 ，夥拍《NASA無名英雌》、《失戀自作業》監制Donna Gigliotti製作嘅紀錄片Wuhan! Wuhan!。
中美貿易戰似乎無損電影人合作，Wuhan!Wuhan!為中美合拍片，由內地團隊拍攝，以人性角度出發，帶出疫情之下為生存而掙扎，其中強調人性美好，好似有司機無償接載醫護人員、心理醫師免費睇症、街坊自發做速遞員送藥等等為人民服務嘅熱心無私一面，人性何其光輝…班crew喺疫情高峰期到武漢拍攝簡直係搵命搏！
更多電影文章
【電影LOL】終於敲定上畫！《天能Tenet》香港8.27上映
【電影LOL】疫情推冧新片檔期 香港國際電影節取消 《阿凡達2》《星球大戰》延期一年《花木蘭》上映無期
【電影LOL．地道周末影院】許鞍華《天水圍的日與夜》無劇情嘅劇情片 唔悲哀嘅悲情城市
