Yahoo奇摩新聞 【電影LOL】防疫措施下戲院關門 買咗飛可以點退票？
因應疫情，政府宣布星期六傍晚起，幾類公共場所需要關閉14日，包括機舖、健身室以及戲院等。
其實之前戲院商已經有應對疫情措施，包括觀眾隔行隔位嘅座位、加強清潔消毒，而觀眾入場一定要戴口罩兼量體溫。對比起出街食飯、返工、搭車，似乎睇戲仲安全少少。
既然法例已過，拗都無謂。戲院商固然係慘，人工租金要照俾但係至少2星期無生意，本身利錢唔高，而家更加凍過水。而發行商都係受害人，因為好幾套新戲好似《無痛斷捨離》都撞正禁令，上咗畫幾日就要hold起，禁令過完上畫又唔係，唔上就蝕梗，陰功！而且好多電影映期本身都因為疫情而延後，而家直情買咗嘅片都要抽起，亂晒龍！
至於觀眾都唔係冇影響，因為日本動畫經典《阿基拉》30周年原定呢個星期四上畫，好多fans一早買定飛。退票事少，即使《阿基拉》會出藍光碟，大銀幕睇點都唔同啲架嘛！好多戲迷都留言希望電影公司改期再上。
至於買咗飛嘅影迷，可以留意以下各大院線嘅退票安排︰
百老匯院線
- 經網頁／應用程式購買戲飛，會獲安排信用卡自動退款。
- 經票房購買者，可於14天後（即4月11日）起計30天內，親臨到觀看電影的同一戲院票房，辦理退款或更換相等於已購戲票數量的其他場次戲票或贈券，而贈券有效期至2021年1月31日。
- 所有於2020年內到期之百老匯換票証及贈券，其到期日均可延長至2021年1月31日。
查詢（電郵）info@cinema.com.hk （熱線） 2388-0002 (辦公時間：每天11:30 - 20:00)。
UA院線
－ 經票房購買停業期間受影響場次戲飛，可於院線恢復營業後之60日內親臨香港任何一間UA戲院辦理換票手續，換領同等價值的戲票代用券或退款，而代用券有效期為領取當日起計一個月。
－經網頁／應用程式購買受影響場次戲飛，會獲安排信用卡自動退款（購票手續費除外），手續需時六至八星期。
－查詢（電郵）enquiry@uacc.com.hk （熱線）3918 5888辦公時間（星期一至日，早上11時至晚上8時）
MCL
- 經票房購買受影響場次戲飛，可於30天內 (5月10日或之前) 親臨購票之戲院票房，辦理退款或更換其他場次戲票或贈券，而贈券有效期為領取當日起計一個月。
- 經網頁／應用程式購買受影響場次之戲飛，會獲安排信用卡自動退款。
－查詢（電郵）contact_mcl@intercontinental.com.hk （熱線） 2418 8841 (辦公時間：星期一至五9:00am-12:30pm, 1:30pm-6:00pm)
英皇院線
－於網站或手機APP購票，將獲安排退款，一般會在4至6個星期內退還 ，視乎發卡銀行程序。
－於票房購票，可於戲院恢復營業後的45天內到所屬戲院辧理退票手續。
－VIP會員如使用代幣兌換戲票買一送一或以戲票折扣優惠券購票，代幣差額及有關優惠券將於14個工作天內自動退回至閣下的會員帳戶。
－英皇院線將延長到期日為2020年3月1日至5月31日之電影禮券有效期至2020年6月30日。
－查詢（電郵）enquiry@emperorcinemas.com （熱線）2969 7525（查詢時間：上午11時至晚上8時）
更多電影文章
【電影LOL】今個星期睇咩戲！ 《無痛斷捨離》《喋血戰士》《乾杯！清酒女流》
