電影LOL︳又係華納 製片商Legendary改與Sony合作 拉埋哥斯拉跳槽？

呢幾個月報過n次關於片商華納嘅動向，新CEO David Zaslav上台後發生過無數大單嘢，埋尾嘅《蝙蝠女》被煞停、高層Walter Hamada走人、James Gunn上場管DC……好睇過戲。

今日又一單。製片商Legendary宣布同離離合合多次嘅華納又一次分道揚鑣，改為同Sony Pictures 合作，由Sony負責宣傳發行旗下出品。

2014年「分手」之後，Legendary 2018年再次同華納合作，但係前年遇著新冠疫情，華納冇事先通知就將電影喺串流平台同戲院同步上架，Legendary 一度話要告華納。後來Legendary嘅《哥斯拉大戰金剛》同《沙丘瀚戰》兩套戲都收過4億美元，先至冚一冚大家道火。不過搞到咁，行內人都估到冇咁易friend返。

根據公布，正在拍攝嘅《沙丘瀚戰2》同《哥斯拉大戰金剛》續集將會照舊由華納處理。至於另一套超級英雄片The Toxic Avenger就會由Sony發行。由於Sony本身冇串流平台，而Legendary同Netflix合作過《天才少女福爾摩斯》系列，估計Legendary可能會分開串流同戲院project交俾唔同伙伴推出。

更多電影文章

電影LOL．今期睇咩戲︳過時過節／哥兒們／骨肉的總和／奇異大世界／刀劍神域劇場版

電影LOL︳疫情之下 內地戲院奇招自救 收錢俾打工仔入場瞓晏覺

電影LOL︳The Rock踢爆 DC本來唔想亨利卡維爾再演超人

電影LOL︳《當男人戀愛時》拍泰國版 BL劇男神Bright演蠱惑仔溝死女

電影LOL︳已洗27億！《狂野時速10》嚴重超支 成本拍得住《復仇者聯盟》

電影LOL︳Anne Hathaway《走佬俏公主》拍第3集 展現公主中女生活？

電影LOL︳迪士尼大地震 前CEO Bob Iger回巢 現任衰呢2單大嘢要敗走？

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！