Yahoo奇摩新聞 電影LOL︳國產TOP GUN 王一博主演《長空之王》上畫3日前突然被撤
內地十一國慶檔臨近，大片都準備就緒迎接億億聲票房。近年人氣爆上嘅藝人王一博，主演嘅「國產TOP GUN」本來安排國慶檔上畫，但喺尋日朝早電影公司突然以「為了能夠呈現更好製作效果」為由，上映前3日突然抽起！
有幾突然？本來《長》喺北京搞首映禮，王一博仲被影到上咗飛機飛去北京，就連預售都已經錄得3千幾萬成績，係同檔最好嘅一套。一句唔該，全部hold住。
撤檔原因眾說紛紜，其中一個講法係套戲講述戰鬥機試飛員嘅生活，而片中關於戰鬥機嘅資料同真實有出入，時間緊迫之下執都執唔切。另外一個傳言就梗係同呢期李易峰事件有關，花生友都估係咪片中主要人員「出咗事」，但係頭先都講過，狗仔隊都仲影到王一博，咁即係冇被拘留啦！
而「宇宙最強」甄子丹嘅新片《搜救》就臨急臨忙宣布10月3日上畫。《搜救》由《異度空間》導演羅志良擔任編劇同導演，講述甄子丹飾演嘅深圳遊客，一時大意令8歲大嘅仔喺冰天雪地嘅長白山走失，而救人時機「黃金48小時」亦慢慢過去，到底搵唔搵到個仔？
本來最有機會跑出嘅要抽起，預售排第2嘅《萬里歸途》相信會成為國慶檔票房之冠。《萬》係以真實戰亂地區撤僑行動改編，預告片見到有喺他方升起中國國旗嘅畫面，符合主旋律得來仲夠晒「燃」。
更多電影文章
電影LOL 今期睇咩戲︳別擔心親愛的／神探伽俐略 沉默的遊行／鯊餌／北海浩劫
電影LOL︳尋回香港曾經的美好 張艾嘉21年後再演港產片《燈火闌珊》
電影LOL︳Netflix節目巡禮TUDUM披露 《天才少女福爾摩斯2》 Emily in Paris映期
電影LOL︳古天樂宣佈香港班底製作《明日戰記》前傳動畫 2025年有得睇？
電影LOL︳30分鐘後炸彈爆炸 倒數系刺激新片Blast 小本經營嘅《拆彈專家》？
電影LOL︳終於等到！《魔間行者》拍續集 奇洛李維斯原班人馬上陣
電影LOL︳露營必須走！《電影版 搖曳露營△》引發你的camping慾
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
