電影LOL︳爛片金酸莓獎提名12歲童星入圍 被狠批蝦細路立即撤回兼認錯

早兩日奧斯卡公布提名名單,亦即係話表~~揚爛片嘅金酸莓獎亦都有入圍名單。向來呢個獎都係得啖笑,點知今年就焫著全世界。

是咁的,舊年一套改編驚慄大師史提芬京舊作嘅作品Firestarter,片中女主角12歲童星Ryan Kiera Armstrong(拍戲時只有11歲)入圍金酸莓獎最差女主角,同阿姐級嘅Diane Keaton「一較高下」。而金像影帝湯漢斯、最佳男配角Jared Leto就會角逐「爛片影帝」。

Firestarter
Firestarter

但係呢份名單一出立即惹來負評,唔少人認為提名童星等於欺凌,童星出身嘅演員Devon Sawa以及11歲童星Julian Hilliard都開聲批評。而金酸莓獎其中一位創辦人John Wilson就喺一片批評聲中發表聲明,認為大會今次呢項提名唔經大腦,決定取消Ryan Kiera Armstrong嘅提名,亦決定今後18歲以下人士唔會獲提名。

Firestarter
Firestarter

金酸莓獎舊年已經「瀨過嘢」,大會舊年向布斯韋利士頒發特別大獎,取笑佢拍埋唔少爛片,但後來布斯嘅家人公開布斯韋利士患上失語症,影響到佢嘅表現,大會於是取消呢個獎。

過去都有少年演員獲提名金酸莓獎,例如1999年《星球大戰︰魅影危機》演少年亞拿堅嘅Jake Lloyd。當年只有11歲嘅Jake因此被恥笑甚至被欺凌,更間接令佢出現精神健康問題,難怪大會要正視……不過既然有前車可鑑,點解又犯錯呢?

而家最新嘅風向係,有建議認為索性取消金酸莓獎,唔……呢個方向都幾貼近近年嘅cancel culture同埋鼓吹無競爭嘅西方風氣呀吓。

更多電影文章

電影LOL 今期睇咩戲︳1人婚禮/伊尼舍林的女妖/隱閉中年

電影LOL︳《奪命狂呼》拍到第六集 Wedneday女主角Jenna Ortega斬極唔死

電影LOL︳迪士尼新CEO做到嘢?Marvel電影3年半後重返中國內地市場

電影LOL︳《毒舌大狀》《超神經械劫案下》玩晒 賀歲檔竟然冇重磅西片落場

電影LOL︳先贏劉德華《流浪地球2》《無名》內地賀歲檔預售爆冷領先 唔關梁朝偉事?

電影LOL︳中女談情筍盤瘋狂埋身 Netflix情人節應節甜片《換屋假期》

電影LOL︳金球獎直擊《奇異女俠玩救宇宙》楊紫瓊首奪影后 關繼威贏男配角

電影LOL︳社畜生活實錄 網路漫畫《他馬克老闆》拍電影版 搵盧廣仲鬧爆你腦細

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!