電影LOL︳黃精甫轉戰台片 新作《周處除三害》劇情曝光

今日外媒Deadline報導，台灣發行商發行工作室將會帶2套華語片，參加德國柏林舉行嘅歐洲電影市集(EFM），一套係內地賀歲檔大片、梁朝偉同王一博主演嘅《無名》。另一套係香港導演黃精甫新片《周處除三害》。

《周處除三害》由台灣著名製作人李烈監製，李烈兩位愛徒阮經天同王淨都會參演。同片卡士仲有來自香港嘅袁富華、台灣金馬影帝陳以文等。《周》嘅保密工夫做得好足，早前有台灣傳媒影到阮經天、王淨同黃精甫喺台北街頭cafe一齊食tea，記者向阮經天經理人求證時，都只係表示唔方便透露細節。

Deadline嘅文章就披露咗《周處除三害》故事大綱︰喺黑幫大佬葬禮上尋仇嘅男人，因為發現患癌得返半年命，匿藏4年後打算自首。偶然間佢得知自己係警方通緝名單上排名第3，為咗成為No.1，佢決定搞掂排喺前面嘅兩個通緝犯……成個故事聽落幾瘋狂，亦同網友估計嘅大型動作片類型有幾分似。

近年港產片市場再度蓬勃，憑住《江湖》同《阿嫂》喺千禧年代冒起嘅黃精甫，反而鮮有港片新作，對上一套香港電影已經係2011年《保衛戰隊之出動喇！朋友！》。2013年嘅《惡戰》係合拍片，監製仲係幾估唔到會同黃精甫合作嘅王晶。黃導近年另一套作品《天目危機》（2019年）就係內地網劇。據報導，《周處除三害》將會喺今年下半年公映，暫時未知香港有冇機會睇。

更多電影文章

電影LOL 今期睇咩戲︳給十九歲的我／巴比倫／24小時救參行動／絕地迫降／倒轉人生／敲敲門

電影LOL︳Marvel宣傳《蟻俠》新片識玩！戲中爆料新書真係有得賣

電影LOL︳James Gunn公布DC宇宙藍圖 《超人》打頭陣2025年暑假有得睇

電影LOL︳內地賀歲檔張藝謀《滿江紅》反勝劉德華《流浪地球2》《無名》靠口碑抗跌王一博唔駛揹鑊

電影LOL︳兩大阿姐碰頭交換身體 Amazon爭贏開拍Jennifer Aniston搭Julia Roberts合演新片

電影LOL︳爛片金酸莓獎提名12歲童星入圍 被狠批蝦細路立即撤回兼認錯

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！