電影LOL︳Marvel宣傳《蟻俠》新片識玩！戲中爆料新書真係有得賣

漫威電影正式進入第5階段，加埋自家平台推出嘅相關劇集，成個漫威電影宇宙越嚟越廣闊，甚至眼花撩亂內容多到睇唔切！不過漫威好識玩宣傳，好似就嚟上映嘅《蟻俠與黃蜂女：量子狂熱》咁，主角蟻俠唔似美國隊長、鋼鐵奇俠咁有台型，索性大SELL廢中發奮史！

今集講述男主角「蟻俠」Scott Lang除咗係超級英雄，仲成為暢銷書作家，全美國巡迴宣傳其自傳「Look Out for The Little Guy」，分享佢由普通人突變成拯救世界嘅超級英雄，本書仲會爆料道出「復仇者聯盟」同Thanos之間嘅恩恩怨怨。

就住條戲橋，漫威勁認真咁幫Scott拍咗條宣傳片，又為本書出新聞稿，簡介自傳將會有20個短篇，內容包含Scott分享既係人父、蟻俠及身為復仇者一員嘅心路歷程，新聞稿內仲搵嚟「Hulk」做名人推薦，格式內容跟足一般書藉出版。

份稿都夠喺網路掀起水花，不過漫威又點會就咁收手！Scott Lang即將跨出大銀幕，成為現實世界嘅出版作家，因為呢本「Look Out for The Little Guy」真係會出版！唔係講笑，書已經喺Amazon等網站做緊預售，你只要俾美金27蚊就可以擁有呢本自傳！

電影出周邊產品多數出模型、公仔之類，今轉出版戲內角色嘅自傳算唔算玩出新意？相信《蟻俠》或者漫威電影嘅超級死忠粉會為咗發掘漫威宇宙嘅蛛絲螞跡而買，普通觀眾就一定唔會有興趣，咁貴買多張飛睇戲好過！

《蟻俠與黃蜂女：量子狂熱》講述蟻俠（保羅活特）和女兒琪詩（嘉芙蓮紐頓）、黃蜂女（伊雲祖蓮莉莉）、皮漢克博士（米高德格拉斯）和珍納芳婷（米雪菲花）一同誤闖不受時間限制的量子領域，在這個地下神秘宇宙遇上各式前所未見的危險外，亦同時見證MCU第五階段最強反派康（尊尼芬梅傑斯）的登場。電影將於2月15日上映。

更多電影文章

電影LOL 今期睇咩戲︳給十九歲的我／巴比倫／24小時救參行動／絕地迫降／倒轉人生／敲敲門

電影LOL︳James Gunn公布DC宇宙藍圖 《超人》打頭陣2025年暑假有得睇

電影LOL︳內地賀歲檔張藝謀《滿江紅》反勝劉德華《流浪地球2》《無名》靠口碑抗跌王一博唔駛揹鑊

電影LOL︳兩大阿姐碰頭交換身體 Amazon爭贏開拍Jennifer Aniston搭Julia Roberts合演新片

電影LOL︳爛片金酸莓獎提名12歲童星入圍 被狠批蝦細路立即撤回兼認錯

電影LOL︳《奪命狂呼》拍到第六集 Wedneday女主角Jenna Ortega斬極唔死

電影LOL︳迪士尼新CEO做到嘢？Marvel電影3年半後重返中國內地市場

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！