【韓國旅遊】 首爾最新3大酒店:方便血拼+靚景泳池
首爾可以話係唔少港人嘅最愛旅遊地之一,除了可以走訪電視劇的經典場面及品嘗炸醬麵、韓燒等美食外,女士們仲可以瘋狂購買彩妝,作為韓國文化擁護者之一嘅香港人,又點會去一次就夠呀?日日都Chur到咁攰,一間靚酒店絕對重要!首爾最近呢2年內都開咗唔少新酒店,間間都舒適又乾淨!以下就嚴選3間,比大家參考下啦!
弘大商圈享夜生活:RYSE Hotel
酒店的一大賣點就係交通方便,由弘大站9號出口行3分鐘就到,而且位置超近弘大商圈,唔洗愁無野行、無野食!開幕以來都係走中高價位,但酒店質素都算物有所值!酒店設計走藝術風,一入大堂紅藍梳化配上木紋梯級已經散發出滿滿時尚感!房間浴室,雲石加上透明的設計,簡潔大方。
(相片來源: Agoda)
入住報告:
舒適度:****(五星為滿分)
雖然藍色的牆身令房間變得暗沉,但整體感覺乾淨舒適。而且房間面積大,不缺走動空間,入黑從房內的落地窗往外看,仲見到首爾繁榮夜景。
設施:***(五星為滿分)
基本酒吧、餐廳都有,健身室內器材都非常完善!交通方便,酒店前方就有來回機場的巴士,45分鐘就到,遊客返港唔洗搬行李搬餐死!
抵玩度:***(五星為滿分)
位置方便,房間又新淨,不過設施唔太多。隸屬於萬豪酒店旗下的「Autograph Collection Hotels」品牌,價錢人均就每晚大約$650,抵唔抵就見仁見智。
附近地點:Trick Eye 3D美術館、德壽宮、明洞購物街
預訂:請按此
設施完善 東大門血拼:Novotel Ambassador Seoul Dongdaemun Hotels & Residences
作為5星級酒店,當然比到你星級的體驗。酒店距離東大逛街區很近,路程只需5分鐘,一定可以令你行程滿載而歸!房間設計走現代簡約風,雖然冇富麗堂皇的感覺,但房間內竹木系的設計絕對令你讚不絕口!酒店內的公寓式的客房仲係呢到特色之一,設有迷你廚房,嚟長Trip的朋友可以一試,同朋友一齊開番個「首爾之夜」派對。
(相片來源: Agoda)
(相片來源: Booking.com )
入住報告:
舒適度:****(五星為滿分)
酒店設計簡單時尚,白色大床配上窗邊灰色梳化,舒服寫意!房間採光度十足,比人一起身就滿有精神!
設施:****(五星為滿分)
酒店內設施極有誠意,房內保險箱、雪櫃及洗浴用品樣樣齊,房外乾洗服務、行李寄存都有!遊客覺得悶仲可以玩埋酒店內休閒娛樂設施。重點一題!它的天台泳池以冷色設計,側邊圍住時尚太陽藤椅,遠眺仲望到美麗景觀,好有渡假Feel!
抵玩度:****(五星為滿分)
酒店性價比高,有靚景有大房,都只係人均$600一晚!不過如果想住豪少少,有埋私人廚房,就唔止呢個價啦!
附近景點:清溪川、東大門市場、首爾塔、昌德宮、廣藏市場
預訂:請按此
平價古味酒店:Alcove Hotel Seoul
位於江南的酒店帶點帶歐陸風情,灰石的外牆令整棟建築帶點懷舊味道。事實上,建築的設計理念都係來自朝鮮王陵!雖然房間內空間較細,亦都無電視,但整體都算乾淨,相信影響唔大。
(相片來源: hotels.com )
入住報告:
舒適度:***(五星為滿分)
設計雖然無乜特別驚喜,但勝在乾淨俐落。特別浴室光猛,黑白色牆身配以雲石洗手盤,單調而不失其風格。
設施:***(五星為滿分)
作為3.5星的酒店,設施就唔會話好齊備,但基本Wi-Fi實有!酒店內的ROOFTOP BAR值得推介,與朋友在高枱上吹住風,飲酒高談,絕對係一種享受!
抵玩度:****(五星為滿分)
一晚連埋稅都係$500有找,如果Budget唔多的旅客,呢間極力推薦!雖然離當地景點有點遠,但步行 15 分鐘都可以到達星空 COEX 購物商場和COEX 水族館。
附近景點:宣靖陵、奉恩寺、國際會議暨展示中心、星空 COEX 購物商場及水族館
預訂:請按此
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!