首隊「港產韓國男團」XODIAC下月出道 香港迪士尼拍MV勁歌熱舞

古天樂喺2016將旗下嘅「天下一集團」同「加秀娛樂」合作成立「天加一文化傳媒」，天加一主要負責中國藝人管理及培訓、網路劇及韓國藝人演唱會及活動等等。「天加一」旗下公司新人廠牌OCJ NEWBIES打造首隊K-POP男團XODIAC，近日XODIAC公開Pre-debut song（出道前作品）《CALLING》MV，唔少網民感到既期待又驚喜。

男團XODIAC下個月先正式出道，不過就已經備受關注，被睇好係今年最強新人。XODIAC一共有6位成員，包括隊長LEX、韓國成員HYUNSIK、BEOMSOO、DAVIN、WAIN，及香港成員SING。近日XODIAC公開Pre-debut song《CALLING》MV，今次嘅MV喺香港迪士尼樂園拍攝，而佢哋就係首隊K-POP組合喺樂園拍攝MV，佢哋先後喺樂園門口、旋轉木馬、美國小鎮大街及奇妙夢想城堡勁歌熱舞，最後仲有迪士尼傳奇卡通人物-米奇老鼠登場，真係令粉絲們驚喜萬分。

另外，XODIAC現時有六位成員，而OCJ NEWBIES就已經鐵定會有新成員加入，當中包括3位外國成員，而最終成員將於下月公布。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！