黯夜守護者|首播被讚有追看性 陳展鵬/陳煒/袁文傑齊出演散發濃濃亞視味

《黯夜守護者》劇照
《黯夜守護者》劇照

TVB新劇《黯夜守護者》以警匪作為題材,劇集搵嚟陳展鵬、陳煒、陳敏之、江嘉敏、謝東閔及袁文傑等人主演,劇情主要講述警察成為「黯夜守護者」,守護住呢個城市,透過唔同嘅案件去探索社會及人性黑暗嘅一面。劇集喺噚晚(5日)首播,而家就同大家睇下網民對首集嘅反應啦!

劇情緊湊有追看性
噚晚劇情就講到中五學生Maisy(羅毓儀飾)喺酒吧鬧事,而警長方梓翹(陳煒飾)喺阻止下被誤傷,之後Maisy與同學Cindy(區明妙飾)會合,點知又發生小爭執,而今次就被警長高輝(陳展鵬飾)調停。Maisy為賺快錢而當援交少女,不過疑因過量吸毒致死,被發現伏屍後巷。高輝被安排與方梓翹一齊調查案件,二人先後前往Maisy學校及屋企調查,去到首集尾段二人更及時阻止Maisy媽媽跳樓。唔少網民都紛紛大讚劇集緊湊及好睇,留言話「第一集overall來講算OK,劇情都算緊湊,雖然ATV同倉底貨味比較重,但係都可以追下。」、「真心幾好睇」、「好似幾高質」、「個頭開得唔錯」、「真係幾好睇。個故事都好吸引。正!」及「第一集唔錯,有追看性」等等。

《黯夜守護者》劇照
《黯夜守護者》劇照

亞視味濃
劇集由陳展鵬、陳煒及袁文傑擔任主要角色,佢哋喺首集已經先後出場,而陳煒亦同佢哋有對手戲,唔少網民睇到佢哋都諗起亞視,仲話自己好似睇緊ATV咁,留言話「亞視三寶都有份拍」、「全部亞視」、「亞視feel」、「好似睇緊亞視咁」及「亞視人大集合」等等。

《黯夜守護者》截圖
《黯夜守護者》截圖
《黯夜守護者》截圖
《黯夜守護者》截圖

陳展鵬勁型
 「視帝」陳展鵬今次喺劇中飾演曾擔任過臥底嘅警長高輝,所以佢嘅性格會比較陰沉懶散,除咗調查案件之外,佢仲會與陳煒及陳敏之有感情線。陳展鵬為配合角色,一反以往靚仔有型形象,以滿面鬚根兼頭髮凌亂嘅滄桑look示人,結果獲網民大讚有型,例如「煎pan仲係好型」、「陳展鵬做呢D佬角色勁型」及「佢做太斯文太正氣唔得, 有啲佬味暗黑, 會好啲」等等。

《黯夜守護者》截圖
《黯夜守護者》截圖

羅毓儀&區明妙好省鏡
羅毓儀及區明妙都係童顏專員,佢哋分別喺劇中飾演中五學生Maisy同Cindy,雖然佢哋唔係劇集女主角,不過都非常搶眼,成功吸引網民關注,紛紛留言大讚佢哋靚女,例如「兩條妹好正」、「樣靚腳正又後生」、「妙妙都算新一代最靚」、「妙妙點解可以咁得意」、「眼大大幾靚女,屬於係BabyFace可愛嗰種」、「路小小演技幾好,好自然」、「羅毓儀同區明妙個樣真係似學生妹」及「羅毓儀係正嘅」等等。

《黯夜守護者》截圖
《黯夜守護者》截圖
《黯夜守護者》截圖
《黯夜守護者》截圖
《黯夜守護者》截圖
《黯夜守護者》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!