Yahoo奇摩新聞 
3HK 預告明年 5G 入門月費，$3xx 可享 100GB 起！
文章來源：Qooah.com
5G 今年幾乎由年頭講到落年尾，至於幾時真係可以用到呢？根據之前通訊局拍賣頻譜計劃時間表，就係 2020 年 4 月 1 日起。不過，要用到 5G 除咗買部 5G 手機外，當然仲要各大電訊商嘅配合，而今日 3HK 舉行了傳媒預覽，當中亦都透露咗大家最關心嘅月費同數據量等資料。
5G 嘅好處相信大家已經最少都聽過十次八次，所以都唔洗重複多講。而現時香港嘅 5G 中至高頻等主要頻譜方面都已經拍賣完成，現時各家電訊商都獲得了一定數目嘅頻譜數量，預備搶攻 5G 市場。
▲ 4G vs. 5G 體驗，唔洗多講好處一定係下載速度快約 10 倍
咁到底 5G 出年推出後，月費方面同可用數據量係幾多呢？不如先睇睇現時已經推出咗 5G 服務嘅市場收費，其中包括中國內地以及韓國：
▲ 據資料，現時中國內地 5G 收費數據 100GB 起錶價月費為港幣 $337，每 GB 費用為 $3 港元
▲ 韓國方面，收費差不多，150GB 月費為港幣 $376，每 GB 費用同樣為 $3 港元
所以，參考返呢個收費模式同定價，和記電訊香港控股執行董事兼行政總裁古星輝表示，該公司預計明年的 5G 月費入門數據量都會定於 100GB 起步，月費同樣會定於港幣 3xx 至 4xx 元之間。
由於仲要視乎來年推出嘅手機價格，以及其他市場因素作調整，所以現時仍未有一個確實收費，只可以畀到大家知道一個大概。至於 100GB 用完之後點？佢就話會同而家 4G Plan 一樣會限速繼續可以上網，但速度會限到幾多呢？會唔會係 128Kbps？呢層就無講啦！
想了解更多 5G 資訊的話，大家可以睇睇過往各大電訊商的測試：
為您推薦更多相關文章：
更多推薦文章在：Qooah.com
Like/讚好以獲得全面資訊：Qooah Facebook
