Apple Pay 銀包正式加入「八達通」,即時加咭增值實測!

Winson Lam
Qooah

文章來源:Qooah.com

八達通究竟幾時先可以加入 Apple Pay 呢?狼來了,一次、兩次,三次之後,香港時間 6 月 2 日凌晨時份的現在過終於成真。用緊 iPhone 嘅用戶現在就可以進入「銀包」加入「八達通」作為交通咭並進行增值。

早兩日我們曾報導過 (編按:礙於保密問題原報導已移除),八達通公司將於 6 月 2 日舉行記者會宣佈消息,但沒想到 iOS 的銀包已經搶先在記招之前率先開放加入八達通作為電子交通卡的功能,以下就等我地同大家實測一下:

▲ 首先進入 iOS (13.5 或以上) 的「銀包」App,然後再按一下右上角的「+」以新增各類咭,然後下一個畫面就可以看到交通卡,八達通就是目前唯一的選擇

▲ 這裡有兩個選擇,1. 是直接「買」一張新的虛擬八達通吉。或者 2. 將現有的八達通加入。筆者本文就以選項 1. 作示範,買一張 HK$100 的八達通

▲ 選擇後進入下一個畫面就是條款與細則,當然要選「同意」才可以繼續。按下「同意」之後,下一個畫面就係以 Apple Pay 支持頭先所揀嘅金額。要留意嘅係,雖然呢一張只係虛擬「八達通」,但係都要收 HK$50 按金,所以見到付款總額係 HK$150。

▲ 完成 Apple Pay 付款之後,一張虛擬嘅八達通咭就加咗入銀包 App,可以用來拍咭支付交通或者購買。

現時所見,八達通本身個 App 仲未能同呢張卡互通,相信撰文呢刻仲未更新服務。八達通公司將會喺 6 月 2 日中午舉行記招,屆時相信將有更詳細消息公佈。如果想搶先試玩嘅話,大家而家就可以拎起 iPhone 或者 Apple Watch,喺銀包 App 入邊加一張八達通作為交通卡啦。

更新:搭地鐵免著機拍咭實測


 

為您推薦更多相關文章:

八通達更改服務條款迎 Apple Pay,下星期真係用得了!?

你可能還想看