csl. 推 5G x Mirror 企劃第二擊：必搶免費 12 子「識郁」海報！

文章來源：Qooah.com

早前 csl. 自肥搵來同一集團旗下嘅全港最紅男團組合 Mirror 做 5G 代言人，仲推出一系列主題 SIM 卡以及 AR 閃卡等。今日 csl. 再宣佈該企劃再推出第二擊，今次仲喺銅鑼最觸目嘅 Sogo 對面廣告板設立 AR 互動廣告，等一眾鏡粉可以親身同偶像們近距離大接觸。

全港首個 csl. x MIRROR AR 動態戶外廣告板 (Outdoor Billboard) 於今日正式登場，廣告板坐落於銅鑼灣怡和街 2-6 號英光大廈外牆(SOGO 對 面)。呢個位置一直都係大品牌搶手位，之前就有三星同 Apple 長包，地鐵一出來就見到，非常搶眼。

玩法其實就好簡單，大家需要先喺手機度 Download「csl. 5G Lens」呢個 App，然後進入「Mirror 專區」，再用手機鏡頭對準廣告板，就會見到精彩嘅互動效果，睇住 Mirror 12 個成員好似喺個廣告板跳出來咁，當然唔少得要傳播嘅廣告資訊。

為配合今次個廣告活動，csl. 將送出 Mirror 12 子限量海報，獲取海報方法：由即日起至 2022 年 1 月 15 日期間，現有 csl 客戶只需透過 csl App 成功推薦朋友登記並啟用指定服務計劃，可獲全港首款 csl. x MIRROR 12 子 AR 限量海報乙張。海報數量有限，送完即止。

另外，csl.將於 2021 年 12 月 9 日至 2022 年 1 月 7 日(早上 11 時至晚上 9 時) 於時代廣場 6 樓 616 號舖舉辦《csl. 5G x MIRROR 冬日 Pop-Up Gallery》，特設聖誕裝飾 點綴，並將展出 MIRROR 成員巨型海報、一系列限量珍藏品，以及 MIRROR AR 互動打卡點。

與此同時，由 2021 年 12 月 9 日起，csl.銅鑼灣旗艦店(怡和街 22 號地下 1 及 2 號舖)、 旺角旗艦店(西洋菜南街 2J-2Q 新江大樓地下 8 號舖)及 io.t by HKT 專門店(柯士甸道西 一號圓方二樓 2001A 號舖)將設MIRROR AR 互動打卡點，只需 100 Club 積分即可與偶像逐一打卡。

為您推薦更多相關文章：

csl. 推出 Mirror 專屬 5G Plan，鏡粉可揀專屬鏡仔 SIM 卡