Sony Xperia 1 香港售價、發售日正式公佈，另加預購優惠

文章來源：Qooah.com

7Sony Xperia 1 遲遲未開賣令到一眾「索粉」等到頸都長。日前我地已經同大家預告過，Xperia 1 售價以及發售日期，不過始終仲未係官方消息。而今日，Sony 香港終於向我地發出新聞稿，因此亦都可以正式咁同大家講確實售價同日期，無意外地同早前消息完全吻合。

香港 Sony Mobile 今天宣佈，旗艦級智能手機 Xperia 1 將於 5 月 31 日正式於香港隆重登場，建議零售價為港幣 $6,999，備有夜黑、雪白、霧灰、霞紫四種顏色，但就只得一個 6GB RAM + 128GB ROM 的型號可以揀。

由於定價跟同期其他品牌旗艦機相若，所以唯有以加送贈品優惠方式吸引大家。不過留意，關於贈品方面，本站接獲 Sony Mobile 的 PR 通知部份細項可能仍未最後定案，所以大致上大家都可以先作為參考，如有變動我地下週一再更新 (更正，以下內容已經更新)：

Xperia 1 由 2019 年 5 月 20 日起接受預訂，並於預售期內 (即 2019 年 5 月 20 日至 2019 年 6 月 9 日期間) 於指定特約經銷商預訂 Xperia 1 之手機行貨客戶可免費獲贈快速大容量 256GB Micro SDXC 記憶咭 (讀取速度高達100MB/s及寫入速度高達80MB/s) 乙張 (價值港幣$699)，限量500張，數量有限，換完即止。

另外，由 2019 年 5 月 20 日至 2019 年 6 月 30 日期間於特約 經銷商預訂或購買Xperia 1，可於購買後的30日内登記換領額外一年保養服務 (價值港幣$399)。

為您推薦更多相關文章：

【圖+片】Sony Xperia 2 外型初曝光，機身縮短或於 9 月發佈！

Sony Xperia 1 香港售價、預購、發售日期搶先知！