Telegram 自制 Stickers 詳細教學
話說早前有讀者問我地如何自制 Telegram Stickers, PC3呀昇 就做一次詳細教學畀大家啦!(雖然開放自製 sticker 功能已經係上年嘅事)
首先我會建議大家使用網頁版 Telegram,登入左自己帳戶之後就可以按 http://telegram.me/stickers 搵 Stickers Bot 幫幫手。
Stickers Bot 就會問你想做咩,如果你第一次制作的話,你要選擇 /newpack。直接按都已經可以,無需要自己再打一次。
改好個 Stickers包名稱之後,下一步就正式開始整 Stickers。首先要選取一個 emoji 作 Stickers 代表,再 send 一個 512px X 512px(像素) 嘅 PNG 檔,jpg 係唔得的。而 send 嘅方法係上傳檔案,不是傳送圖片。
如果要再加 Stickers 只需要重複 emoji 至傳送檔案給 Stickers Bot 步驟,完成的話就回應 /publish 。
下一步就要為 Stickers 的連結改名,連結可以分享給其他人一同下載。有一點要留意,連結名太簡單未必成功,最好有大細楷。
最後就成功啦!之後再加加減減 Stickers,Telegram 系統更新係需要等候時間。
如果你帳戶持有多過一個 Stickers包的話,要再加 Stickers 就要輸入
/addsticker telegram.me/addstickers/(連結名)
PC3Mag 嘅 Stickers 連結,我哋會不定期更新的!
https://telegram.me/addstickers/PC3Mag
不想錯過最新科技猛料及限時優惠 ? 請 Follow PC3 FB 專頁 www.facebook.com/pc3mag