《心靈師》劣評不斷 網民批評劇情老土似睇教育電視 籲罷睇:推到腰斬

《心靈師》劇照
《心靈師》劇照

ViuTV新劇《心靈師》喺Boxing Day(26日)首播,由身兼監製嘅李璨琛、ERROR成員何啟華(Dee)、劉蘊晴、陳嘉倩、姜文杰、楊詩敏及林明禎等人主演,劇情主要講述各種都市常見的精神病案例,從中合力解開患者心結的故事。 不過劇集由未播出,去到而家播映中都被網民瘋狂劣評,而日前李璨琛(Sam)亦有回應網民嘅批評。

李璨琛近年專注內地發展,不時上載無厘頭影片到抖音,當中令網民不滿嘅係佢曾經喺8月時上載影片,影片中佢掛住一個警察證件帶,阻止外國人用過期嘅糖果拐帶小朋友,佢問小朋友呢個外國人係唔係佢爸爸,然後再同小朋友講「這個世界上只有一個爸爸」,而字幕就寫「只有一個中國」,另外佢仲轟外國人「這裡是中國講中文」。而《心靈師》搵嚟佢身兼監製及主演,結果劇集喺未播出,去到而家播映中都被網民瘋狂劣評,留言話要罷睇,例如「睇左3分鐘 一睇到條友就熄左機」、「推到腰斬,罷睇李長官」、「每晚都要講一次:無睇,純粹只因為有李長官」、「其實真係1個人浪費成套劇及其他演員嘅努力」、「明明有Dee 哥同明禎, 點解要加佢落去破壞成套野」及「開套比dee哥擔正啦」等等。日前李璨琛(Sam)接受傳媒訪問時亦有回應網民嘅批評,佢就話:「我冇諗過呢方面嘅嘢。」

除咗呢個原因之外,唔少有睇《心靈師》嘅網民都批評劇集悶又離地、劇情老土、似睇教育電視及劇集冇做好資料搜集等等,留言「就算無視李長官,都冇辦法睇落去,又悶又離地又totally no sense,一個咖啡師勁過哂專業嘅精神料,好似係李長官監製?佢係咪FF太多變到咁自戀?」、「仲衰過教育電視,說教到不行,又膚淺,1集未完即棄!」、「係有啲悶!對唔住 Dee gor。唯有等睇你下一套大誠實家」「尋晚試下睇,睇咗半個鐘,真係睇唔落去,幾個演員都唔好睇,講咩女鬼,劇情又悶」、「悶到抽筋,對白好似念書,冇感情!」、「年尾超悶廢劇,悶到嘔泥 失眠喜訊,有助催眠」及「呢套劇實在太似睇緊《鏗鏘集》我都唔識講係好睇定唔好睇」等等。

《心靈師》
《心靈師》
《心靈師》劇照
《心靈師》劇照
《心靈師》劇照
《心靈師》劇照
《心靈師》劇照
《心靈師》劇照

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!