《Hands Up》主持曹銦玲笑容甜美被指撞樣前電波少女 網民大讚GFable

TVB兒童節目《Hands Up》入面嘅姐姐均被讚高質，紛紛榮升女神。繼倪嘉敏、陳若思及潘靜文，於節目扮演「蚌蚌公主」嘅曹銦玲（Natalie）又被大讚笑容甜美，外型極度GFable，更被睇好即將可以跳出兒童節目。

曹銦玲於跑馬地名牌女校瑪利曼中學畢業，校友包括梁雪湄撞、林憶蓮、王灝兒（JW）及富商何鴻燊女兒何超盈等，後來經香港理工大學多媒體設計及應用之高級文憑升讀香港城市大學文學士（創意媒體）課程。大學畢業後，曹銦玲就報讀TVB第31屆藝員訓練班。入行兩年，曹銦玲被安排參演唔同劇集，包括《青春本我》、《靈戲逼人》、《愛·回家之開心速遞》等等，亦有份於《你好，我的大夫》中飾演一個患有骨癌嘅少女，獲網民大讚演得非常出色。被問到報讀藝員訓練班經過，曹銦玲直言細個就鍾意睇電視，希望可以成為劇中角色。

曹銦玲IG不時大曬打卡照，各樣各式唔同造型都有，甚至有泳衣照。曹銦玲更被指與前電波少女梁雪湄撞樣。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！