Yahoo奇摩新聞 Yesnews Style
三分鐘瘦腿唔再係夢！簡易家居瘦腿操
夏季就黎黎到架喇！你地拎左啲夏季衫出黎未呀？未拎晒都應該拎左短褲出黎喇掛？但你地有冇覺得自己喺過左冬天之後，好似比之前肥左好多，對腳睇上去好似粗左好多？
小編作為女性其中一員，當然係非常明白你嘅感受，因此今日就為左大家搵黎左一套來自日本嘅家居瘦腿操，等大家每日花3分鐘嘅時間，就可以極速瘦腿。
根據日本網站Curet數據，要計算出大腿最理想尺寸嘅話，就應該將自己嘅身高乘以0.31，所以喺開始嘅時候大家不妨先運算一下，為自己訂下目標。
三分鐘瘦腿操
▼ 首先單膝跪喺瑜珈上面，雙手放喺右邊膝頭，保持上半身筆挺唔好寒背。
▼ 然後就將上半身微微向前傾，右腳用腳趾踮起，同時放平左腳，保持10秒，再換另一邊去做，重複三次。喺做呢個動作嘅時候，您應該會覺得自己左邊大腿內側會有啲痠痛嘅感覺。
▼ 做完啱啱嗰一個動作之後，您就可以坐喺瑜珈墊上面，打開左腿，右腳內收。之後，您就要首先將身體向左傾。
▼ 同時要嘗試以雙手拉住左腳腳掌，保持10秒，再換另一個方向做，重複3次。
▼ 做完上面一套動作之後，就側瞓喺瑜珈墊上面，並用右手支撐住個頭，左手放喺地面。除此之外，仲要將右腳放喺左腳前面，左腳則以朝向上方嘅姿態放係墊面。
▼ 最後就將左腳向上抬起，保持10秒再放底，換另一面去做重複三次。
▼ 每天抽三分鐘黎做，冬天留落黎嘅粗腿就會極速變瘦，到時夏天正式黎到，著咩裙同熱褲都唔會怕啦！
圖片及資料來源：curet
【原文連結】
三分鐘瘦腿唔再係夢！簡易家居瘦腿操
