【你個嘢壞咗呀】黃子華最後棟篤笑今日優先訂飛 電話網站通通唔得被鬧爆

image

男神黃子華多年嚟一直為港發聲,將香港人嘅怨氣、不快從棟篤笑中講晒出黎。早前子華宣佈《金盆啷口》將會係佢最後一個棟篤笑,消息一出立即令粉絲心碎。一班粉絲準備就緒,為今日第一日優先訂飛(3月26日)做勢!

今朝準時9點,一班粉絲就透過信用卡客戶優先訂票網買飛,點知信用卡贊助商個電話完全打唔通,就連購票系統都入唔到。網頁一直顯示「非常抱歉! 伺服器擠塞! 您未能進入購票系統, 請稍後再次嘗試, 謝謝!」

image
image

唔少買唔到飛嘅朋友紛紛喺信用卡公司Facebook專頁留言投訴:

image

當大家都仲努力買飛時,黃牛飛咩位都已經有得賣,當中$880的門票被炒高至$2400一張,$680的門票亦售$1900,而最平的$280門票更炒高3倍至$900!門票被炒高兩倍以上。究竟班黃牛黨從咩途徑買到飛呢?