內地靚女老師憑唱「挖呀挖」爆紅 素顏開live回應黑粉兼霸氣自爆肥咗5公斤

內地湖北靚女老師黃老師（抖音帳戶：音樂老師花開富貴）近日憑甜美又清秀嘅樣子，及教小朋友唱洗腦兒歌《小小花園》，一夜間爆紅，抖音帳戶粉絲由幾百激增至790萬，兼被封為「挖呀挖老師」。不過人紅是非多，繼早前佢被指冇教師資格證及「挖土歌」非原創歌曲涉侵權及真實年齡被挖出等之外，近日有唔少網民攻擊佢嘅外表，直指佢P圖嚴重等等，搞到黃老師要素顏開live，回應一班黑粉嘅攻擊。

近日，黃老師喺Facebook專頁「音樂老師花開富貴」上載一段影片，雖然只係一段無聲嘅影片，只係字幕寫上：「發現直到現在，大家對我臉的攻擊一直存在，這是我長十幾斤的懟臉原機自拍，大膽放出來，就是想告訴大家我普通人一枚（後面還是會美顏 都想把美好的一面呈現給大家）網上看到一句話很喜歡：所有人的看法和評價都是暫時的，只有自己的經歷和成績是伴隨一生的。」雖然黃老師自爆肥咗十幾斤（大約5公斤），不過佢塊面同之前唔係太大分別，網民亦留言鼓勵佢要做自己及讚佢素顏都好靚女等等。

之後，喺今個月12日，黃老師因應網民要求，喺素顏及冇美顏機情況下開Live，期間佢同網民一齊倒數閂美顏功能，鼓起勇氣咁向網民展示自己嘅黑眼圈及斑點，雖然有網民話佢好醜及好驚嚇，不過亦有網民覺得佢素顏都好好睇。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！