Yahoo奇摩新聞 Yahoo Travel HK
全球機票價錢大不同 加拿大最貴中國最平？
宜家咁多平機票，耐不耐又有1蚊機票，令到香港人開始變成無平機票就唔買嘅地步！其實講機票價錢，香港已經算係唔貴，需知道世界唔少地方，出國旅行要用嘅錢，可以係我哋嘅幾倍架！最近外國旅遊網站kiwi.com就唔同國家嘅機票價錢做咗一個統計，以每100公里為單位，計下唔同國家嘅機票價錢。根據網站計算，只計國外航班的話，最貴嘅係加拿大，每100公里平均要港幣330 （下同），而第二則係中東國家阿曼，為230元，都足足比加拿大少成30%。第三位則係玻利維亞，為220元。即係話加拿大出得國嘅遊客，其實都相當富貴，唔係都買唔起機票呀！其次四至十位分別為阿根廷、日本、丹麥、委內瑞拉、台灣、卡塔爾、白俄羅斯。至於全球最平，竟然係大陸，只係9蚊！比起加拿大平咗差唔多33倍。最平嘅尾二就係羅馬尼亞，為13元；尾三為馬來西亞，為16元。原來大陸嘅國外機票平成咁，唔怪得大陸遊客咁鍾意四圍飛出國玩啦！師傅，明白了！
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
加拿大飛海外嘅機票為全球最貴！
（圖：aircraft24@tumblr）
位於中東嘅阿曼，明明大把石油，但機票都排第二高。
（圖：falterer@tumblr）
中國大陸係最平機票嘅國家，出國無難度。
（圖：kekemachida@tumblr）
相關文章：
