兩餸飯推介︱小西灣$40街坊三餸飯!開放式廚房睇住大廚即炒即入盒
兩餸飯市場越爭越烈,近排甚至發展到有大閘蟹做餸,認真浮誇。不過若果你問一個個排隊等揀餸的街坊,十之八九,要求無非足料,新鮮,啱味道,就已經對得住手上那幾十元。小西灣有間新開的兩餸飯店不賣噱頭,回歸基本,設有開放式廚房,街坊可以見到大廚把剛剛炒好的餸直入熱櫃,即叫即揀,夠新鮮又有鑊氣。
【立即讚好】全新 Yahoo Food Facebook 專頁
即炒小菜 即入餸櫃
小店「香港人兩餸飯」一年前於鰂魚涌開店,小西灣分店四個月前開業。最大賣點,莫過於你可以近距離見到大廚在爐火前掌勺炒餸。負責廚房的豐哥一夫當關,一開舖就無停手不停炒餸,一鑊緊接一鑊,這邊兜完西蘭花,另一邊立刻炸雞翼。煮好就直接上盤,直出餸櫃供食客揀選,全程100%透明。如果你有時間,不妨企定定再揀都未遲,這方面完勝其他廚房和餸櫃分開的兩餸飯店。
最受歡迎黑醋骨+每日有神秘款式
至於款式,每日14至16款,小店不會預先寫好菜名印在紙上或畫餐牌上。街坊要像逛街市一樣,即場睇,即場揀。不過也有每日固定款式如:黑醋骨、椒鹽豬扒、蒸肉餅、炆豬手等。菜式沒什麼神秘煮法,勝在有心機。像最受歡迎的黑醋骨,不加水,以排骨撲粉後,加自製黑醋汁炒,用慢火,讓醬汁緊包著排骨;雞翼以南乳調味炸脆;豬手醃過,前一晚最少炆45分鐘;肉餅內的蓮藕剁得夠碎,令肉餅入口更綿密,不會一咬即散;鯰魚扒會加豆瓣醬酥炸。驚喜位是不定期會有即日款式,像採訪日就是「豉椒炒蜆」,蜆肉入味鮮甜,不另加價,豉椒汁送飯一流。
香港人兩餸飯
地址:柴灣小西灣富欣花園商場地下49號舖(地圖按此)
電話:9345 0330
全新訂座平台「Yahoo訂餐廳×Openrice」正式上線!
更多港島東美食推介
柴灣美食|隱世澤記快餐飯店超誇張巨型魚柳包大過手掌! 沙嗲牛肉麵/炸雞髀撈丁
西灣河美食|懷舊老店百利冰室招牌沙翁每日限量供應 彈牙蝦多士/足料鹹牛肉蛋治/香滑奶茶必試!
真章魚無雙西灣河太安樓開店!原隻章魚做餡12款口味 蟹膏+明太子超足料章魚小丸子
西灣河美食推介合集!世界級沙嗲汁魚蛋/台灣芋圓黑糖刨冰/米芝蓮私房菜
鰂魚涌美食│Lunch推介新鮮沙律bar+咖啡店!必飲紅菜頭latte
鰂魚涌美食│90後情侶網店起家後一年上舖!賣爆餡台式吐司 高峰日賣逾百份
鰂魚涌美食|好叉好味又開分店 3款口味選擇焦蜜+柚香+辛麻 蜜汁叉燒杯飯極速沽清
【鰂魚涌美食】打工仔午餐推介10間!小娘惹喇沙+四川麻辣湯麵+減肥健康便當
【鰂魚涌美食】海光街高質西餐靚牛扒!酒店級大廚夫妻檔小店 街坊價歎新鮮肉扒
【鰂魚涌美食】性價比高石燒牛扒店!半自助式西冷和牛套餐味濃回香
>>按此下載<< 全新Yahoo APP,領取最新餐廳優惠、氣炸食譜、自助餐推介、仲有飲食達人教你識煮識食,讓你成為真正全面的吃貨,立即下載!