《八時入席》唔添食 陳國邦再次離開無綫
![image](https://s.yimg.com/ny/api/res/1.2/3KqzTddpTMzGngyb2nJPMw--/YXBwaWQ9aGlnaGxhbmRlcjt3PTk2MDtoPTYzOQ--/https://68.media.tumblr.com/bffaac8ca8d48b54b7b29bee595f02fc/tumblr_inline_ohp64vneTc1u03abq_1280.jpg)
無綫處境劇《愛.回家之八時入席》搵咗毛舜筠救亡拉收視,佢仲搵埋黃秋生客串、陳國邦同埋黎耀祥等一齊拍住上,當時毛舜筠仲講咗句:「如果陳國邦唔做,我都唔做!」,同親自打畀陳國邦,成功令已心灰兼離巢兩個月嘅陳國邦回頭,加簽一年合約。有傳話無綫冇兌現承諾做好製作,有時佢俾意見但幕後劇組又唔肯配合當聽唔到,所以搞到毛姐冇癮唔肯續約添食。毛舜筠就話佢一早已經決定咗年尾會去外國繼續佢嘅藍帶課程。
既然毛舜筠都唔續約,陳國邦亦再一次宣佈唔再續約。接受傳媒訪問後,陳國邦亦喺微博留言話想喺唔同嘅媒體平台繼續努力做戲。
![image](https://s.yimg.com/ny/api/res/1.2/_gbC6fW_kwmvFLpZc_eXcQ--/YXBwaWQ9aGlnaGxhbmRlcjt3PTk2MDtoPTcyMw--/https://68.media.tumblr.com/ff558aacb3642d6705ae66d02a2005d7/tumblr_inline_ohp64qVKAc1u03abq_1280.png)
《八時入席》唔添食,下月頭就大結局,計劃播放由李添勝監製嘅賀歲倉劇《財神駕到》,而新一套嘅處境劇將會喺2月尾首播。
對於呢個決定, 陳國邦就話心情輕鬆同埋太太羅敏莊都支持。睇嚟今次真係去意已決了!
![image](https://s.yimg.com/ny/api/res/1.2/jvH.EDieaq1NclVV854LFQ--/YXBwaWQ9aGlnaGxhbmRlcjt3PTk2MDtoPTE3MDc-/https://68.media.tumblr.com/ffb239883a947c060bf0f2320acbefce/tumblr_inline_ohp6898gVF1u03abq_1280.jpg)