【出遊注意】打擊旅客過多問題！西班牙禁坐階梯、清邁禁入松達寺

得閒去個旅行放鬆下已經成為大家嘅日常，近近地去個東南亞又得，有時間又有足夠旅費又會選擇去歐洲。久而久之，世界各地嘅旅遊熱點開始出現人潮，唔少國家開始承受過度旅遊嘅問題，旅客不文明情況頻頻發生，各國紛紛出招規管遊客，以下呢4個規例大家都留意下啦！

1. 禁坐西班牙階梯

位於羅馬嘅西班牙階梯係當地其中一個熱門景點，但近年遊客經常係樓梯上席地休息，仲會有人直接坐低開餐！現場已經留有唔少香口膠、咖啡漬、紅酒漬等，為咗拯救古蹟，當地政府於是發出禁令，阻止遊客繼續席地而坐。

floril-egia @tumblr

2. 清邁松達寺 禁入部分區域

清邁松達寺以能觀賞最靚日落而聞名，好多人都會爬上佛塔影相打卡，但其實爬到咁高真係好危險，所以當地政府為免有危險發生，決定貼出告示，禁止部分旅客踏出部分區域。

（Wat Suan Dok (9) @taiwan-motherofmine.blogspot.com）

3. 鎌倉動漫朝聖點 禁打卡

鎌倉因《男兒當入樽》呢套動畫而令當地嘅高校站成為打卡熱點，好多人係馬路上打卡，造成當區居民嘅困擾，仲影響交通。旅客亦習慣買完小食後邊行邊食，更隨地亂拋垃圾，所以觀光部希望透過呢啲規則令遊客自律。

4. 威尼斯多條法案 禁不文明行為

到訪威尼斯嘅旅客人數眾多，遠超當地人口嘅百倍，遊客太多對當區居民造成不便。近年，威尼斯政府通過好多法案，包括禁止遊客隨地坐、訓係知名景點、禁止遊客係特地區域野餐、在噴泉中洗澡、不得在公共場合赤裸上身等。最近。亦有旅客係里奧多橋（Rialto Bridge）台階上沖咖啡已被罰款。

相片來源：estrellas-sin-color @tumblr