[劇名好有創意呀] 新處境劇《愛‧回家之八時入席》接《愛‧回家》棒

image

無綫處境劇《愛·回家》算係近年比較受歡迎嘅劇集,但係喺上年年中,無綫突然將馬家同律師樓成員相繼淡出,新一輯《愛·回家》換嚟冇家、冇守望相助感覺嘅海味舖同埋健身室,搞到收視同口碑都唔掂,最後仲要急召馬家成員回歸救亡。較早前宣佈4月1號播出最後一集,為《愛·回家》正式畫上句號。

咁做完《愛·回家》之後做咩呀?Sorry,下一套都係有「愛‧回家」呢三個字,劇名叫《愛‧回家之八時入席》。唔知係無綫太鍾意呢個名定係驚觀眾唔慣,所以要keep「愛‧回家」喺個劇名到。

image

今日劇中演員黎耀祥毛舜筠、鍾景輝、郭少芸、陳國邦等人出席開鏡拜神。毛舜筠同黎耀祥繼《畢打自己人》再度合作,雖然劇本仲未定,但係佢哋嘅角色性格會對調,一個性格溫馴一個性格急燥,毛舜筠仲話好期待黎耀祥鬧佢嘅時候會點樣。

image

郭少芸會出演新劇?早前傳過馬家會亂入新劇㗎喎,咁即係郭少芸冇得用孻姑呢個角色出現?咁唔知馬家成員見到佢會有咩反應呢?