唔係AI! 尹光順德演唱會 率先唱《一人之境》同Dear My Friend,
唔駛搶人才計劃,香港一早吸引咗來自越南嘅尹光,喺度以歌聲唱出傳奇!早前有人以AI技術惡搞尹光,用佢嘅聲線「翻唱」姜濤嘅《Dear My Friend,》同林家謙《一人之境》,深受網友歡迎。尹光亦都食住個勢,將於11月舉行紅館個唱。
唔少網民都關注,到底尹光會唔會喺個唱上親自演繹呢2首後輩之作。早排喺順德嘅演唱會上,「光B」真係找數,唱咗《一人之境》同Dear My Friend,!
睇返片段,尹光並無用AI版嘅方法,喺《一人之境》歌詞入面加上「嘻」、「呀」呢啲ad lib,畢竟佢受訪時都話「AI尹光」咁唱係醜化佢。而網友最想聽到「光B」「用真聲硬爆高音」,又真係俾大家恨到。似乎11月紅館個唱,聽到尹光唱呢2首歌嘅機會好高,只係到底2位原唱人會唔會去做嘉賓呢?
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!