坐擁100萬美鈔椅!俄羅斯藝術家創作土豪藝術?
好多人都認為,「藝術」同「錢」係完全背道而馳,兩者甚至乎係對立;不過近日俄羅斯一位藝術家Alexey Sergienko,就用咗一百萬美金真鈔,加上2.5吋防彈玻璃作為外框,造成一張椅,名為「X10 Money Throne」,重達半噸!「X10 Money Throne」目前放於莫斯科博物館之中,有唔少人前來參觀,因為參觀人士可以任意坐於椅子之上,名乎其實係「坐擁」百萬美金!Igor話希望大家可以透過坐呢張椅去感受金錢嘅力量,從而令大家更努力去賺錢。無錯,呢件藝術品一啲都唔「藝術」,係鼓勵人去搵錢,因為藝術品贊助者,亦即係美金嘅原有人就係俄羅斯其中一位億萬富翁Igor Rybakov。究竟呢件藝術品係真係為觀賞用,定還是只係炫富?大家可以自行定奪。
用咗一百萬美金真鈔造成嘅「X10 Money Throne」。
外面用咗2.5吋防彈玻璃造成外殼。
設計嘅藝術家話希望大家會努力搵錢。
相關文章:
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊