大埔美食｜大埔藝術中心4,000呎餐廳 以本土農產入饌！必試腐乳醬炸粟米／煎封石鯧魚／40層蘋果塔

曾被稱為區內綠洲的上水咖啡店"Cafe Je T'aime"於2017年因被大幅加租而結業，粉絲熟客們一直引頸期盼回歸，好消息是店主阿沈（George）終於覓得好地方，數月前於大埔藝術中心重新栽種這綠洲。新店室內外共4,000呎大，店面前身是小學的有蓋操場，樓底特高，三面落地玻璃，日光充足又佈置了綠色植物，宛如一個溫馨小禮堂。

👉🏻全新Yahoo Food Instagram上線啦！立即Follow獲取更多飲食攻略

千年樹齡木枱 放木土農產品

早在上水店時，阿沈已很著重以咖啡店連結社區，來到大埔新店，入門見到大木枱放上各式各樣的本土農作物及食品便安心。

「呢樽辣椒頭抽，上水正和隆出品，本地廠房做㗎；呢樽腐乳都係，天然發酵，我哋特登做咗個腐乳醬配炸粟米，味道好夾，以前要買佢哋產品要喺上水，而家有機會就想幫佢哋推廣出去。呢隻蕃薯係日本品種但香港種，而家當做，特別甜。遲啲12月會再多啲貨，因為踏入本地農產品收成期。」阿沈如數家珍，對每樣產品都有充足知識解說。又如餐廳內的木枱，「八成都係志記鎅木廠出品。」阿沈說，像那張用來擺放本地農產品的木枱，就是由碼頭木，鐵路木及船木組合而成，是加起來有過千年歷史的木頭，部份木頭已經不准再用，或不再出口生產，價值非金錢可買。而餐廳outdoor的兩張高身木枱則是阿沈的傑作，用了幾年前受颱風「山竹」破壞的樹幹，找專業木匠加上自己打磨粉飾而成；又如餐廳地磚，刻意保留了前身學校有蓋操場用的地磚 — 眼見的一枱一磚都不只為滿足客人打卡，背後充滿意思。

撐本土 本地腐乳醬做醬汁+本土海產石鯧魚

餐牌有別於一般cafe，食材盡量以本土出品及有機食材為主，兼顧營養，養生，又不犧牲味道。之前提過的腐乳醬，配以天婦羅炸法，來製成香脆粟米球，香辣惹味；另外又會用大澳霉香鹹魚，蒸熟後加薑汁，製成鹹魚蓉，加上蕃茄，橄欖油及蒜做成醬汁，再拌本地新鮮海蝦做成意粉，鹹魚味夠香夠濃，不加鹽都鹹鮮好吃。

小食「千層脆薯」都很有心機，薯仔刨成片，加以蒜煮過的牛油成汁，入口吃到層層口感。不過若論獨特，一定是以本地魚排養殖的石鯧魚，大廚以法式白酒奶油油加是拉差醬調成醬汁，配煎封了的魚身，灑大量蔥花，一啖入口，魚肉結實鮮嫩，醬汁吃到末段微微帶辣有驚喜。阿沈說餐牌會再增強本土海產類，因為他認識不少本土漁夫，深明本地海產有水準，也想大力支持。

足足四十層 香甜蘋果塔

餐廳的幾款甜品，全自家製。當中的French Toast賣相十分特別，像兩塊圓形班戟，表層香脆，加忌廉芝士及一款香港人較少聽到的巴西「嘉寶果」粉，阿沈刻意加上，取其特強的抗氧化特性。另外亦有蘋果塔，用紅蘋果及青蘋果刨成薄片，加焦糖及牛油，一層夾一層共40至50層，焗脆再放涼，外表像個小蛋糕，入口軟腍的同時又吃到片片蘋果口感，團隊還有研發新甜品加入menu中，大家可以繼續期待。

我也愛你咖啡館

地址：大埔安邦路12號大埔藝術中心地下G08號舖 （地圖按此）

電話：63681038

全新訂座平台「Yahoo訂餐廳×Openrice」正式上線！

>>立即按此了解更多香港各區餐廳訂座優惠<<

今晚食乜好？即睇最強雞翼食譜、牛油果食譜合集

地區美食合集！香港各區最新餐廳、cafe、甜品店推介

食乜養生好？二十四節氣：中醫教路/湯水進補/穴位養生

自助餐推介！睇盡各種自助餐優惠/回本攻略

想知最新飲食資訊？按此觀看Yahoo Food編輯推介

更多大埔美食推介

大埔美食︱台式快餐店巨無霸漢堡扒滷肉飯 椒麻炸雞山+$88半隻燒雞餐

大埔美食︱隱世北海道拉麵店「皓月」登場！必食限定$198全隻新鮮龍蝦拉麵

大埔美食︱無味精蕃茄薯仔魚湯底 招牌芫茜胡椒餃+咖喱雞餃子

大埔超抵食甜品小店「甜滿屋」 超巨型5球雪糕窩夫+黑糖刨冰！

大埔美食︱十年歷史「宜昇美食」小食店 街坊私心推介滑溜腸粉

大埔美食〡大埔街市內高質cafe！前酒店總廚主理 嘆香濃洋蔥湯

大埔美食｜南記粉麵進駐大埔 下年一月開幕！必試炸魚肉春卷＋小窩米線

大埔美食｜ 太子潮州人開分店！ $68花膠扒撈米＋$48清酒大蜆米粉 高質抵食

【大埔美食】高質居酒屋午餐 $98十件即握壽司/$108爆料蟹丼

【大埔美食】大埔隱世咖啡香！村屋咖啡工作坊

【大埔美食】大埔街市2月裝修！手工客家糍粑Last call

【今晚食乜好】唔知今晚食乜餸？立即去Yahoo Food 食譜專頁搵靈感

>>按此下載<< 全新Yahoo APP，領取最新餐廳優惠、氣炸鍋食譜、自助餐優惠，仲有飲食達人教你識煮識食，讓你成為真正全面的美食家，仲唔立即下載？