天后麵包店爆紅千層生吐司!出爐前半小時已見人龍 店主日本學藝 凌晨五點開工
手工麵包有價有市,心機麵包小店門前站滿人龍的畫面見慣見熟。最近火熱的,是一間天后近維園的日式麵包舖,一款「千層生吐司」,每日出爐3次,出爐前半小時店門前已經站了一條小人龍,每人限買1份,如此矜貴,皆因千層吐司每日只供應24個,老闆阿傑每日凌晨5時就開始做包。
「因為吐司size大,一件麵糰只可以做到12份,做唔到多,我一個人,只可以一日做24份。」AOZORA Bakery老闆阿傑
【立即讚好】全新 Yahoo Food Facebook 專頁
一人打理麵包店 凌晨5時開始做包
店主阿傑自認是個麵包癡,一畢業就加入大型連鎖麵包店做學徒,主力做港式大眾化麵包款,由低做起。及後曾兩次到日本修讀麵包課程:「第一次係日本藍帶國際學院,課程為期三個月,每日要跟食譜做麵包,不停做不停改良。後來又報讀咗日本麵粉品牌「鳥越製粉」旗下麵包學校的理論課程,短短十幾日,教的主要是做麵包的理論基礎,例如一舊麵團中,加幾多隻蛋,就應該減少幾多水份作為平衡。」
赴日學藝後回港,他輾轉做過幾間手工麵包店磨練技藝,直至上年11月首次開店試業。問阿傑,為麵包,如何「癡」法?「我而家一個人做曬麵包舖所有麵包,無請任何麵包師傅幫手,每日凌晨五點就一定要開工,做到夜晚十一點,一個星期做六日,身體攰,但覺得好滿足,算係圓咗自己心願。」
千層吐司 要控制溫度
至於最近跑出的「千層生吐司」,阿傑坦言是無心插柳之舉。「一直都留意到台灣已經流行咗一排,本身諗住試下出,出一排就轉款,估唔到俾人放咗上網,反應會咁好。」他說千層生吐司最重要是控制麵團及牛油的溫度,太凍或太熱,牛油和麵糰就不能順利結合。一共16層的吐司,做法是把麵糰打好,放入冰箱8小時,取出,搽牛油在麵糰上,又摺又壓, 一層疊一層,至16層。再入冰箱一小時,取出,再焗製而成。
「因為吐司size大,一件麵糰只可以做到12份,做唔到多,我一個人,只可以一日做24份。」阿傑解說。千層吐司要趁熱食,溫熱時每一層都可以以手揭開,質地軟熟卻挺身,入口滿滿牛油香,好夠味,不用配果醬或配料,配杯咖啡就最夾。 吐司現時每日出爐3次:9:30am、1:30am、4:30pm,出爐前30分鐘客人就自動在門前排隊等候,每個時段只賣8件。甚至有客人遠道由元朗駕車前來入貨,反應好好。
心機法包 牛角酥
全店麵包款式不超過30款。除了吐司,店內麵包另有「酥」、「法包」及「日式麵包」三大類,都是心機之作。店內用的麵糰有8至9款,不加添加劑。每款都符合不同麵包款式需要,部分酵母也是阿傑自己培植,帶自家風格。像法包(baguette),簡單以鹽、水、麵粉搓成麵糰,加入配料如合桃、提子、果乾,款式傳統卻簡單好吃,吸引不少住在附近的外國人街坊幫襯。
AOZORA Bakery
地址:天后廟道14號地下(地圖按此)
電話:從缺
全新訂座平台「Yahoo訂餐廳×Openrice」正式上線!
更多天后美食推介
西灣河合時小廚天后開分店 !米芝蓮推介預約困難粵菜 必試百花炸釀蝦多士+肉蟹煎焗腸粉+少爺焗豬扒飯
天后美食|天后新開打卡Cafe ZENWICH 主打爆餡烘排包三文治 明太子玉子燒/蟹肉牛油果/Espresso Tonic
天后美食︱寵物友善扒房豪食澳洲M6和牛!必食打卡火燒松露雪糕
天后美食|龍華酒店衝出沙田!83年老字號 馳名生炸乳鴿+雞粥+懷舊粵菜
天后美食|全新四川干鍋店主打車仔麵干鍋 必試麻辣水煮魚/巨型龍蝦干鍋
天后隱世威士忌酒吧A Perfect Escape (A.P.E) 專攻親民價格蘇格蘭IB威士忌
天后美食│60歲小店客家大廚秘製黃酒雞!自創豉油雞腸粉超好食
【天后美食】米芝蓮二星大廚主理意大利餐廳 坐露台$198食金箔意大利飯
【今晚食乜好】唔知今晚食乜餸?立即去Yahoo Food 食譜專頁搵靈感
>>按此下載<< 全新Yahoo APP,領取最新餐廳優惠、氣炸食譜、自助餐推介、仲有飲食達人教你識煮識食,讓你成為真正全面的吃貨,立即下載!