Yahoo奇摩新聞 女友成日check手機？5招提防佢揭你私隱
「佢係邊個黎架？點解我唔識佢嘅？」好多女仔都好鐘意喺拎左男朋友手提電話之後，就會翻開電話中每一個應用程式、資料夾，睇晒您Whatsapp、Facebook入面所有嘅訊息相片，好似想揭開晒你所有身世、祖宗十八代咁，同時查埋你之前同邊個拍過拖。
雖然兩個人喺得埋一齊，大部分嘅話題都可以分享出黎比大家聽，但係如果比對方問得多，連識普通朋友都比人管住晒，自然就會好煩厭。最後就會令自己識朋友嘅自由都無埋。
咁究竟有咩方法可以提防女朋友check住晒你呢？以下呢5個小方法應該可以幫到你：
1. 將電話收埋喺暗袋
同人出街，好多人都會拎自己個電話出黎玩，可能你會問「咁我將手機收埋，唔係就會好顯眼喇咩？」，唔怕，因為如果女朋友問到，你就可以話自己想花多啲時間喺對方身上，咁就得啦！同埋將自己個電話收埋，更加就唔驚對方喺你行開之後，不問自取拎起檢驗啦！
2. 改電話名做公司／男仔名
女朋友見到女仔名pop-up一般都會非常敏感，就算係無野都有機會無事生非，不如就直頭唔好show女仔名出黎，轉晒做公司／男仔名，例如「＿＿研討會－David」、「＿＿公司Peter」咁。
3. 電話話碼上傳雲端
開著左電話放低行開，轉個頭電話就比女朋友拎起左係咁禁？仲要係打開晒你個電話簿係咁check下你加多左邊個朋友？如果你想提防女朋友睇你聯絡人，或者你可以試下將自己嘅電話簿上載雲端。只要您將電話放入一個google雲端excel檔，打電話嘅時候先上網打開，咁就可以神不自鬼不覺咁收埋一堆電話號碼。
4. 好簡單咁將電話上鎖
其實基本上出得黎做野嘅話，都應該知道將電話上鎖係非常必要嘅動作，免得有人心懷不軌將你同工作有關嘅聯絡人，或者電郵外傳。所以簡單咁幫個電話Set密碼，女朋友就自然唔可以等你行開左嗰時睇你個電話。但如果佢直接問密碼咁點算？有做衰野嘅話咁你就好自為之喇！
5. 習慣每次都刪除訊息
如果你真係要完全避免比女朋友追蹤到你嘅一舉一動，咁不如就直情每次同另外啲朋友whatsapp完之後，都delete晒啲message佢啦？咁樣就一定唔怕比人發現任何珠絲馬跡喇！記得除左message之外，都唔好save低接收自嗰一位朋友嘅圖片。
【原文連結】
女友成日check手機？5招提防佢揭你私隱
