Yahoo奇摩新聞 
小心！6個常犯的脫毛壞習慣
知不知道當你穿上背心短褲，最引人注目的並不是你一直在意的肉肉，而是在嫩白肌膚上特別「醒目」的毛毛？所以夏季脫毛刻不容緩，但都唔好急，最緊要靚，有些常犯的脫毛壞習慣你一定要知！
壞習慣1：使用剃刀脫毛後立刻再用脫毛膏
用剃刀剃毛後覺得唔夠乾淨，諗住用脫毛膏清理餘下毛毛？呢個係最危險嘅做法！因為一旦剃刀脫毛後，皮膚上會有傷口，脫毛膏所含的化學物質接觸皮膚後就會引起敏感，嚴重的話甚至出現紅疹同脫皮，需要睇醫生，受傷部位更要幾星期先可以完全復元。
壞習慣2：用小鉗子拔走腋毛
雖然用鉗將腋毛連根拔起，感覺好爽好乾淨，毛毛亦會隔耐啲先生返出來，但長時間使用拔毛會導致毛孔粗大、皮膚鬆弛，令腋下造成更多摺痕；而且拔毛比較痛，皮膚受刺激又會令黑色素增生，所以只建議在眉間範圍較細的地方拔毛，腋下就適宜用剃刀或者脫毛機。
壞習慣3：早上出門前沖涼脫毛
沖涼同時脫毛方便又慳時間，不過就唔適宜朝早做，尤其是腿部脫毛，因為雙腿在睡眠時容易變得浮腫，較短小的毛髮會被隱藏，剃得唔乾淨。因此，夜晚睡前脫毛會比較好，加上若果用剃刀時唔小心劃損咗皮膚，都可以有時間俾傷口癒合。
提一提，脫毛時皮膚會變得易受刺激，沖涼的水溫不宜過高，一般以溫涼水即可，溫度約10-20℃，另外，也要用PH5.5與肌膚酸鹼值相近的沖涼液。
壞習慣4：脫毛後隨即在腋下使用止汗劑
呢個亦都係不宜喺早上脫毛嘅主要原因，脫毛後要留意腋窩有無損傷，基本上要等脫毛後嘅皮膚回復鎮靜， 約6至10小時後先好用止汗劑。
壞習慣5：任何日子都可以脫毛
男仔可能係，但女仔要留意自己幾時M come，因為經期前一星期和行經期間，女性的抵抗力會降低，對痛楚亦好敏感，皮膚狀態不穩，呢段時間應盡量避免脫毛，以免對皮膚和毛囊造成傷害。
壞習慣6：曬完太陽去脫毛
日曬後嘅肌膚乾燥缺水又容易敏感，絕對唔係脫毛嘅好時機，相反，脫毛後24小時內亦都唔好曬太陽，一樣都係會刺激皮膚，而且脫毛後要搽返足夠嘅保濕潤膚乳，保持皮膚健康。
Related Articles:
