【尼斯湖捉水怪】網上組團2.2萬人參加遊尼斯湖搵水怪 當地大為緊張？

旅行除咗自由行或者跟團之外，仲有咩方法？就係網上自發組團呀！近日面書興起網民自發組團快閃旅行，之前最有名就係有人組團話要前往美國51區搵外星人，亦係大家一直以嚟心中一大謎團，估唔到發起短短幾日就有50萬人參加，令美軍大為緊張並出聲明強調51區係軍事禁區，呼籲民眾切勿前往，仲極速將面書有關活動專頁刪除；雖然未能成行，但呢個方法就得到更多人知道，隨即又有人組織「尼斯湖捉水怪」團！無錯，就係蘇格蘭著名嘅尼斯湖，又係一陣間已經有2.2萬人參加。英國嘅皇家救生艇協會即刻大為緊張，表示尼斯湖嘅湖水又凍又深，一旦太多人同時前往會造成危險，萬一有人不幸墮湖絕對會有生命危險。呢一大危機就係尼斯湖出命天氣變得極快，幾分鐘內可以由晴天突然風雲變色，唔熟悉嘅遊客好易出事。目前網民仍然未取消活動，唔知大家又有無興趣一齊去呢？

尼斯湖水怪可以話係最經典嘅都市傳說。（設計圖片）

每年都有唔少遊客因為想見水怪前嚟尼斯湖。

早前網民話組團去51區，政府大為緊張！

相關文章：

多圖-網紅遊巴黎-遊走文藝景點-樣多打卡位

國際貓日玩貓美術館-大萌貓現身貓迷一起拍

巴黎血拼攻略-可以即時退稅的4間百貨公司-香榭麗舍大道新商場登場

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！