【搭霸王機】假機師隨時出現？印度男十多次冒充機師坐免費機

里安納度同湯漢斯嘅電影《捉智雙雄》入面，飾演騙徒嘅里安納度多次以假機師身分穿梭唔同國家，估唔到現事上都有！

一位印度男子Rajan Mahbubani於新德里居住，但因工作關係經常要去加爾各答。唔知佢係咪想慳錢，竟然於加爾各答買咗一套機師制服，並於泰國造咗一張假嘅機師證件。曾經超過15次佯裝機師，乘坐唔同班機！

據講Rajan好熟悉機師嘅專業語言，甚至連某某航空公司嘅內部消息都知，於是經常可以呃過地勤甚至入境人員，畀佢可以輕易登上航班，仲多次出入駕駛艙，連真嘅航班上機師都睇唔出佢係冒牌貨。直至早前Rajan登上一架亞洲航空嘅班機時，亞航有職員覺得有古怪，於是致電航空公司查證，發現原來佢係假機師，於是即時報警，並於機上拘捕Rajan。目前Rajan被收押，會被控詐騙及偽造文件等罪名呢。

Rajan連真機師都呃埋，多次成功進入駕駛艙。

Rajan機師制服於加爾各答購買。

電影《捉智雙雄》真實版，不過騙徒變咗Rajan。

.

相關文章：

聖誕2019-必睇卡通人物打卡熱點-寵物小精靈-龍貓-melody

海口魚塭玩透台西-日漫遊小鎮超有趣

日本旅遊-日本東北4大溫泉推介-青森蘋果泉-森林環繞浸溫泉

.

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊