Yahoo奇摩新聞 【搵食啫!犯法呀?】子華神開Show 重溫好笑警世金句!
黃子華最後一次棟篤笑引起撲飛熱潮，7月6日已經正式開騷。作為子華神告別 棟篤笑嘅演出，子華神一口氣開足26場，頭場完騷仲哽咽流下男兒淚!子華神，咁多年黎好多 Fans都聽你D甘句大，相信唔少Fans都睇到眼濕濕，不如一齊重溫佢過往嘅金句啦!
1. 香港既精神，就係「冇精神」
2. 去公眾泳池嗰啲唔係叫做游水，嗰啲叫做浸水。因為喺公眾泳池游，祇可以用一種泳式，就係 彈式，同一個位，彈下彈下。
3. 我覺得非常有資格自殺既人呢就係屈原嗰種，即係你自殺，然後大家有公眾假期!
4. 大自然所有的動物都係食物鏈上，鏈的下層俾鏈的上層吃，一層一層咁鏈上去。
5. 咁到底係乜嘢吃乜嘢?好複雜，但係我哋有生物學的權威——鬥獸棋。鬥獸棋係差啲攞到諾貝 爾獎，不過佢輸左俾飛行棋。
6. 在場有冇知咩係“結構性失業”呀?所以話要讀多D書，先會知自己點解失業。
7. 當一個社會出現一樣嘢叫“結構性失業”，即係話俾妳聽，呢個社會嘅本質基本上係:寡情薄 幸，趙完鬆!
8. 做咩呀?做咩大家買串魚蛋一樣咁多錢，佢串魚蛋多我兩粒㗎?我唔要你比番兩粒我，我要你 攞走佢果兩粒!大家少兩粒，咁就公平呀!
9. 化妝就係你落咗妝，我仲認得你，你落咗妝，我唔認得你，嗰啲叫做喬裝。 10. 男人係愛情上係要求新鮮，而女人對愛情最大嘅要求就係保鮮。
10. 男人係愛情上係要求新鮮，而女人對愛情最大嘅要求就係保鮮。
11. 女人撞衫，仲大件事過撞車。
12. 請你好好放低。
13. 戀愛係一盤生意，你要二十四小時諗住佢。
14. 基本上男人係做到三個不，不主動，不抗拒，最重要我地係不負責嘅。
15. 做藝人做到何守信算係咁啦，我哋最緊張嗰部份改咗你個名呀，幾鬼尊敬你。我都期望第日 ，過幾年啲阿爸教仔踢波:「人哋射死球，最緊要摭住阿子華呀!」
16. 我唔請人，但如果妳話妳隆咗胸，我都想見下你。再填履歴，三隻字:“隆了胸”。我包妳 有面試。
17. 老闆成日話員工做野都唔攞個心出黎，激死人。員工就成日話老闆都唔攞舊金出黎，駛死人 。
18. 佢俾份人工你，一半係畀你做嘢嘅，一半係畀你受氣嘅。嚴格嚟講，你每個月底俾我嗰份唔 係糧，係賠償。
19. 搵食啫!犯法呀?我想㗎!
20. 我覺得講得出『我好鍾意返工』呢句說話嘅人，一定係鬼上身。
21. 我地D員工呢，外表就係成年人，但其實係同一個冇做功課嘅小學生嘅心態一模一樣，每日 最希望嘅，就係聽日打風.....係咪?
22. 你聽到天文台講: 現時三號風球現正懸掛,颱風[馮馮]]正在逐漸迫近本港, 稍後可能會改掛八號 風球..... 你即刻會變左做一個馬迷,係咪?八號，八號，八號，八號!
23. 人又打風你又打風你打戈幾粒鐘我打邊爐都打得耐過你!
24. 老闆: 「呢個世界冇話唔可能!」呢句說話我係讚同架，各位，呢個世界冇野係唔可能，不 過係依個薪酬呢就幾唔可能。
25. 《男親女愛》後DoDo同我講‥「你依家好紅，執嚇個樣啦!」呢句說話好hurt，因為我已經 執咗!
26. 一套韓劇裡面，一對戀人要撮合成一對係要求有「車」有「樓」:比車握，同埋有腫瘤。
27. 我拍果套戲叫<一蚊雞保鏢>，好多人都睇過，你地話我系咪天才啊?緊係啦，我可以改一個 戲名，係預測到我既票房既。
28. 十年拍3幾部戲，都有人話我濫拍。我忽然間覺得非洲D窮人好為食，一個月食三兩餐，仲食 極都唔肥。
29. 我做咗咁多年人，都未試過有女仔好主動咁走過來同我講“我好中意你”。最接近果d，都係 走過來同我講，“我阿媽好中意你”或者“我姨婆好中意你”。
30. 華仔偉仔就拍果啲，你就要我拍呢啲，所以華仔偉仔嘅票房係果啲，我就係呢啲。
溫完咁多金句，其實計我話，去睇子華神開Show，最緊係要知潛台詞「回水」啦!
子華:冇拗撬?有乜嘢係冇拗撬?乜嘢都有拗撬!
台下觀眾:回水!
子華:回水有沒人唔同意?全場同意係咪?
台下觀眾:係、係......
子華:(指住自己)最重要嗰個人同唔同意?點會冇拗撬呢?
前往瀏覽完整內容:
更多相關報導:
【世界盃2018】英格蘭隊長哈利簡尼的10年愛情故事 由一張和碧咸的合照講起….
