於1萬呎空難墮地生還 空姐版不死徐子珊病逝

空難向來令人心驚驚，萬呎高空一發生災難，基本上必死無疑。不過被喻為「不死空姐」，來自塞爾維亞嘅Vensa Vulovic就於上月正式喺寓所病逝，終年66歲，結束傳奇一生。Vensa之所以有「不死空姐」稱號，全因為佢於1972年時，為當年南斯拉夫航空嘅空姐，並服務於由斯德哥爾摩至貝爾格萊德嘅航班之中，但中途竟然遇上劫機，客機於逾1萬呎高空因炸彈爆炸而解體，全機人除咗Vensa之外無一幸俛。佢當時被發現之時位於機尾，被一輛餐車夾住，由於機尾墮落於雪地，緩撞咗部分撞擊力。Vensa全身骨折，昏迷，醒後部分記憶喪失，下半身一度癱瘓，但及後Vensa康復迅速，並且可以返回航空公司做文職工作。Vensa從萬呎高空解體飛機下墮地仍然不死，已經喺1985年被健士氏紀錄確認為「不用降傘最高墮下生環者」！不過及至2009年有專家另有見解，認為客機原來係降至800米高度時被導彈擊落喎，但始終未有確實證據。所以Vensa仍然係紀錄保持者！

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！

Vensa於貝爾格萊德寓所逝世，終年66歲。

當年為南斯拉夫航空嘅空姐，於空難中生還。

被救後雖然一度昏迷及半身癱瘓，但之後迅速康復。

相關文章：

日本血拼遇上落雪，點著法無咁 「捩咁棄」

無遊客夠膽食 印度火車餐玩命挑戰

日打四份工 立陶宛女四個月賺夠環遊世界