【暑假親子遊】台南親子暑假遊住宿推介！室外遊樂園＋主題房滑梯民宿

台南雖然沒有台北的熱鬧多元，但近年亦開咗唔少景點，吸引咗好多遊客們前來參觀拍照。部分景點包括台南貨櫃公園亦加入親子元素，讓一眾大人細路齊齊到樹屋、攀岩場攀爬以及欣賞小丑表演，一享天倫之樂！作為台灣家庭最喜愛去嘅旅遊城市之一，城中更設有多間高質親子住宿。現在就等我哋介紹3間比各位遊客，讓大家有一個愉快嘅「親子暑假遊」!

和逸‧台南西門館：玩盡室內室外遊樂園

酒店外觀簡約，但內部絕對係小朋友嘅放電玩樂天堂，事關佢擁有台南最大戶外親子休閒天地，室內室外嘅設施絕對一級棒，堆沙池、電動車或遊戲玩具應有盡有。除此之外，酒店嘅卡通裝潢都係一大賣點，無論餐廳或是樓層走廊，都遍佈「飛天小女警」的行蹤，很有童趣。

入住報告

舒適度：****1/2（五星為滿分）

酒店房間裝潢簡潔，光線充足，配色以灰白為主，十分舒服。房間空間寬闊，活動空間大之餘，仲有位置放置遊客們嘅戰利品！

設施：****（五星為滿分）

呢到嘅室內兒童俱樂部同過萬呎戶外親子樂園可以話係一大賣點，四樓超大露台仲有得玩電動車，車道大得嚟仲要設計精美，斑馬線、有紅綠燈樣樣有齊，十足城市街道！

抵玩度：****（五星為滿分）

酒店有咁多玩樂設施，相對價格都會貴少少，每晚$1,035起！ 但酒店位置算方便，位於新光三越台南新天地商圈，隔離就係文創園區，家長同完小朋友去放電之後，自己仲可以去逛街及品嚐地道美食。

附近景點：新光三越百貨 、文創PLUS台南創意中心、大南門、台南孔廟

和逸‧台南西門館

預訂：請按此

圖片來源 @Agoda

桂田酒店台南：熱帶自然 感受渡假風情

酒店隱身在住宅區內，極有峇里渡假風情。超大的戶外庭園裝潢特別，有椰子樹、小河流、沙灘椅、瀑布，仲種滿綠色植物，比你一種遠離塵囂嘅感覺。與小朋友到庭園散步走走，絕對能夠放鬆心情。

入住報告

舒適度：****（五星為滿分）

酒店寬敞乾淨，床位較大，同時浴室光亮，整體舒服 ！但可能酒店經營甚久，房內設備，包括沙發及電視有點老舊。

設施：****（五星為滿分）

作為五星級酒店，當然有除濕機、吹風機、Wi-Fi等設備！ 除此之外，店內的運動設施多元，有游泳池、健身房還有按摩服務。而且，酒店內提供嘅餐飲款式多，日本料理餐廳、自助餐、鐵板燒樣樣有，真係唔洗驚餓親！

抵玩度：***1/2（五星為滿分）

酒店硬件設施足夠，環境很優美，但地理位置對於冇車嘅家庭嚟講比較不便。永康火車站落車都要轉乘8分鐘嘅計程車才可到達，鄰近可供玩樂購物嘅地點亦較少。

圖片來源 @Agoda

附近景點：鹽行夜市、國立台灣歷史博物館、赤崁樓、媽祖廟

桂田酒店台南

預訂：請按此

黃色風箏民宿：多款主題房 海底世界＋超級賽車

呢間民宿設計用心，而且具有創意！民宿嘅建築可愛，牆身以粉色為主，大堂掛有動物畫圖，充滿童真！而且，民宿房間為一大特色，有不同的主題，例如：海底世界、超級賽車等，部分房間仲搭配滑梯，等小朋友玩得盡興。雖然裡面嘅空間唔算太大，地點位於台南東區，與火車站和市中心有一段距離，但$480一晚絕對值回票價。

舒適度：***（五星為滿分）

房間乾淨，床及枕頭又軟又舒適，浴室大！民宿亦非常貼心，提供梳洗用具、毛巾、洗髮露及沐浴乳等物品比遊客使用，但隔音效果一般，不時會聽到小朋友跑跑跳跳嘅聲音。

設施：***1/2（五星為滿分）

麻雀雖小，五臟俱全。房內設施齊全，連電視及鏡子等設施都有提供。 公共空間仲有洗衣機、烤箱、茶水比大家使用，整體都唔錯！家長仲可以帶小朋友去到小小嘅花園到玩滑梯同堆沙。

抵玩度：***（五星為滿分）

民宿裝潢充滿活力 ，而且裝潢新穎有趣，Budget唔多嘅朋友可以一試。但地理位置有點不便，台南火車站下車後，要轉搭公車再步行7分鐘才能到達，離各景點有點遠！

圖片來源 @Agoda

附近景點：奇美博物館、南紡購物中心、安平城隍廟、赤崁樓、國立台灣文學館

黃色風箏民宿

預訂：請按此

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！