曾志偉黃一飛被指拍片為內地電騙大佬賀壽 藝人出鏡送祝福4千人仔有交易？

近年電話騙案猖厥，更有報導話泰國緬甸等地嘅偏遠地區，有不法份子設立「電騙園區」，以不同手法誘騙求職者「打工」再禁錮，由於地處「無王管」地帶，執法人員難以進行營救。

近日有傳，被指喺中緬邊境果敢地區開設電騙園區大佬白應蒼，早前為生日大肆慶祝，活動上播放嘅慶生片段更驚見曾志偉、黃一飛以至多位內地藝人出現。有網民質疑片段出現嘅明星，係咪同電騙集團有關係。

有內地傳媒向被指「賀壽」藝人嘅經理人查詢，有人割席話唔識白應蒼，甚至唔知邊個搵佢地拍呢啲片。經理人又話而家好多人搵藝人拍呢類祝賀片段，甚至將片段轉售。小編就喺內地平台搵到有人出價4千人民幣發售藝人祝福短片，仲聲稱可以搵黃一飛、李國麟等藝人演出。