Yahoo奇摩新聞 桃園機場「8大免費睡空間」 原來有免費淋浴間？
台灣不嬲都係港人旅行嘅摯愛。近年，桃園機場不停更新，增加咗好多休憩設施俾遊客，即使你去台灣當食生菜，都未必知得昵所有。最新台灣有媒體精選咗8個桃園機場的休憩設施，如果你下次旅行咁啱要訓機場，遇到delay或者等轉機都唔洗驚啦，因為桃園機場新增嘅設施真係好perfect!
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
1.第二航廈3樓躺臥座
呢度有10張以上嘅休息躺椅，後面仲有擋牆，咁就唔怕會俾人睇到自己嘅睡相！訓唔著又可以睇下機場外嘅風景或去附近買野。
2. 各候機室內躺臥區
呢個係最一般嘅躺臥區，每個候機室都會有，通常係俾旅客登機前休息一陣。
3. 第二航廈3樓D1運動公園
裏面有多種不同健身設施，如沙發椅休息區，將來有沖涼區同Yoga區添！最重要係呢度係完全免費，真係估佢唔到！
4. 第一航廈3樓A8,B7觀景電子圖書館
因為呢個位要行一段樓梯先會到達，所以並唔會有太多遊客會停留。如果想休息，呢度嘅沙發都會係唔錯嘅選擇。
5. 第二航廈D3按摩區
大家有無試過置身竹林之中按摩呢？無嘅話不妨去呢個區域嘅按摩椅試一下。只要去免稅店問下，就可以獲得一次15分鐘嘅免費按摩體驗，仲不限次數添！第二航廈C區同第一航廈都有類似區域，有機會大家可以搵下。
6. 第一航廈轉機區
呢個區域不但有機場內最大最舒服沙發休息，仲有餐飲服務，加埋寧靜嘅環境，真係超適合想食野又想休息嘅旅客。
7. 第一航廈轉機區電影區
與第一航廈轉機區屬同一個休息區，呢度間唔仲會播放電影，仲有按摩椅同躺椅，真係諗起都覺得正！
8.免費淋浴間
雖然呢度唔可以訓，但唔沖涼又點會訓得好？目前係第一航廈1同2樓，第二航廈1同4樓都有淋浴間，免費提供15-30分鐘免費熱水，沐浴露，洗髮露同吹頭機，愛乾淨嘅你又點會錯過。
相關文章：
