港女講日：想知自己有幾難頂? 測試「港女指數」14大特質

雖然日本隊已於今屆世界盃出局，不過出色表現就令全國球迷振奮，早前有好多球迷於社交平台幫日本打氣，但係向來敢言嘅HKT48成員指原莉乃就表示，非常討厭一班「偽球迷」，茅頭直指一眾自拍妹!

早前指原於電視節目《痛快TVスカッとジャパン》上，大談最近討厭嘅女生類型，佢好激氣咁講嗰啲淨係識得上載著住波衫擺哂pose嘅selfie相，然後caption寫住「日本加油」嘅女人超乞人憎，仲話日本隊唔會因為佢哋嘅自拍相而加油!

指原最後仲親身示範一次，著住波衫然後寫著「日本代表加油~!」，hastag就暗串自拍妹「#唔會為你幅自拍相而加油、#你嘅心意唔會傳到俄羅斯」。

我本人都勁憎「圖文不符」嘅自拍妹，仲要配埋啲懶有深度嘅至理明言，好嘔心，亦係「港女」一大特質!圖文不符之外，以下13個港女特徵，唔知你又中咗幾多項呢?

1.一日到黑話要減肥，但又成日著貼身衫，其實只係博人講句「你咁fit唔駛減啦!」

2.每餐進食前都要相機食先。

3.自拍，上載前一定要P圖。

4.對時事、新聞一無所知亦冇興趣知，港女進化做港豬。

5.衣著暴露，唔係低胸就露臍、著熱褲等。

6.素顏「見光死」，唔化妝唔見得人，戴大眼仔係必須。

7.遲到大王。

8.名牌手袋日日唔同款，衣物多數有牌子，唔潮唔追。

9.八卦、愛講是非。

10.EQ差，少少事就黑面、大發脾氣。

11.任性、高高在上，認為自己有學識又有姿色，個個男人都想追自己。

12.要求男友買貴價奢侈品送畀自己，自己都係大花筒。

13.貪慕虛榮，「夢想」係埋有錢人堆，睇唔起窮人。

圖片來源：ig@345insta