火博士被爆背女友要求 A0 女生為其手淫 持續近兩年 事後反誣蔑女方勾引

多年在 TVB《學是學非》擔任專家嘉賓，人稱「火博士」的科大化學系講師陳鈞傑（Jason）近日爆出桃色糾紛，一名女學生Zenobia 在 IG 發文詳述與火博士相識經過，爆對方自兩年前起背著女友，要求天主教徒兼從未拍過拖的她為其手淫，持續近兩年。至二人關係破裂後，火博士更在教友面前，反稱是受她勾引等。Zenobia 表示，公開事件是想澄清及挽回自身聲譽，並聲稱持有火博士的體液 DNA、錄音等作證據，「我所講嘅都係事實，亦都有佢親口承認嘅證據，所以我諗我唔需要因為驚而唔出聲。」

Zenobia 周五（14 日）凌晨起，在 IG 一連更新 5 個貼文，鉅細無遺講述了她和火博士相識經過。她表示，因為參加聯校科展及科大暑期課程，開始和火博士相熟，雖然火博士有女朋友，但仍不時瞞着女友與 Zenobia 出街，甚至會在科大辦公室攬着她進睡，不過當時 Zenobia 亦有心儀的男生，只當火博士是很親密的朋友。

直至 2020 年 9 月，火博士因感情問題找 Zenobia 哭訴，同時「開始推我隻手去佢嘅男性私人部位，要我幫佢自慰（俗稱打飛機）。作為一個A0天主教徒，我嗰陣係真驚又乜都唔識。佢拉開褲鏈同我話：『對唔住呀，我忍唔住喇…』我嗰陣係無膽反抗，呢樣亦都係我做得最錯嘅事。」

她形容當時自己非常害怕及「無膽反抗」，「我無反抗到第一次，就已經開壞咗個頭」，其後幾乎每次見面，火博士都會向她提出手淫要求，她亦聽從朋友提議，保留火博士的精液 DNA、錄音等等作證據。

Zenobia 憶述，每次見面後，火博士都以找女朋友為由急忙離開，她每次都是哭着離開：「覺得自己好似condom好似香口膠，比人𡁻完鬆。」

直至 2022 年 9 月，Zenobia 指，火博士開始要求她用口幫她自慰，「同時又發生咗好多言語上或者行為上傷害我嘅事」，她終忍無可忍致電給火博士女朋友。Zenobia 表示，火博士為挽回女朋友，在教友面前說出不實的話，「包括 1.話我勾引佢、2.話我搶佢張信用卡、3.話我好鍾意佢，一心想拆散佢哋。佢仲同當時在場嘅人講，叫佢哋唔好傳出去，我真係聽到呆咗。」

她感到憤怒，決定公開事件澄清及挽回自身聲譽，「某程度上其實我都係用緊自己嘅聲譽去承擔、去公開呢件事。有人亦會覺得係我嘅錯，係我無反抗，係我做第三者抵死⋯⋯我明白我有好多做錯嘅地方，而我都承認心軟、無反抗、無離開佢係我嘅責任。」但她認為，不能任由誣衊她的話傳開，自己所說的都是事實，「我覺得有必要為自己去辯護、去澄清。」

Yahoo 新聞曾就事件聯絡火博士，但暫未有任何回覆，而火博士的 IG 帳戶亦顯示為私人帳戶。據 HK01 報道，據悉涉事科大職員現正休假。