福岡三大新酒店比併 露天大浴場＋近博多站＋設消毒衣櫃

大部份去到九州自由行，都會去到福岡，呢到冇大阪東京咁興旺，但好玩好食嘅野都好多，包括有牛雜鍋、博多拉麵等美食，想購物嘅都可以去博多運河城多個景點。而且福岡嘅機場離市區好近，距離博多天神都只係10分鐘左右的車程，真係好方便。以下就介紹三間今年剛剛開幕的酒店比大家參考下，等你們去福岡都有多個選擇。

機械人酒店 置身侏羅紀世界

酒店用機械人服務顧客，櫃檯安排咗恐龍外型嘅機械人為遊客辦理入住退房手續。恐龍雖然像真度唔太高，但整個酒店裝潢，牆身的森林設計，都讓你處於侏羅紀嘅時代。

入住報告：****1/2（五星為滿分）

由於酒店啱啱今年1月開幕，設施都好新淨，房內設計簡潔，面積比同區大，由194平方尺起，放幾多戰利品都冇問題！

設施：*****（五星為滿分）

房內有新式嘅電子衣櫃，除了乾衣之外，仲可以幫你消毒衣服，而且浴室和洗手間仲分開兩個獨立房間，用起上嚟真係幾方便架！

抵玩度：***（五星為滿分）

恐龍機器人很有趣，相信小朋友見到會興奮，但酒店內設施唔多，勝在位置離鐵路夠近，由「中州川端站」3號出口步行只需3分鐘，不過價錢單人就要$950/晚，抵唔抵就見仁見智。

附近景點：天神地下街、博多町家文化館、福岡巨蛋

Huis Ten Bosch Henn na Hotel

地址：福岡縣福岡市博多區中州5丁目4番19號

預訂：請按此

超近商圈 夜貓行動

酒店今年新開業，交通方便，博多站行3分鐘就到，從福岡機場搭乘巴士15分鐘，至「博多巴士總站」下車只是步行約3分鐘。附近亦有好多購物中心，如JR博多城Amu Plaza購物中心，就算好夜返到去都仲有地方比你Hea玩!

入住報告：****（五星為滿分）

酒店內設計唔多，但勝在環境乾淨，空間光猛，部分房間木地板嘅設計、櫻花圖案牆身，滿滿日式建築之美，周邊環境安靜，床夠大，容易入睡！

設施：*****（五星為滿分）

酒店雖冇康樂設施，但房內可謂麻雀雖小，五臟俱全。櫃檯有水果茶包同咖啡拎，又有共用投幣洗衣機。不過自駕遊的朋友要注意，酒店是不設停車場，所以想入住要考慮埋泊車問題！

抵玩度：***（五星為滿分）

旅館裝潢優雅清靜，價錢先約$500一晚，Budget唔多嘅朋友可以一試。而且，酒店的早餐都值得得推介，好吃又唔貴！

附近景點：JR博多城Amu Plaza購物中心、博多Canal City購物中心、福岡城跡

VIA INN 博多口站前旅館-福岡

地址：福岡縣福岡市博多區博多駅前2丁目17-11

交通：「博多口」步行3分鐘

預訂：請按此

露天大浴場 體驗日本傳統

想去福岡relax下，呢間酒店就啱晒你！今年6月底先開幕，頂樓有個露天大浴場，平平地就可以體驗日本的浸浴文化，酒店對面就係大型購物中心博多運河城，附近仲有大濠公園及東長寺等景點，整體都唔錯架！

入住報告：****1/2（五星為滿分）

所有房間都禁止吸煙，空氣絕對清新。房內裝潢比較時尚，牆身採用銀金色暗花設計，並上杏色小沙發，舒適又有格調。

設施：****1/2（五星為滿分）

酒店頂樓的大浴場是一大賣點，同場亦提供蒸水浴、溫水浴及露天浴。遊客可以一邊望住星空，一邊享受夜間嘅寧靜，十分寫意！

抵玩度：****（五星為滿分）

酒店房間整潔乾淨，隔音良好，是不錯的休息地！但係酒店位置有點遠，由「祇園」站5號出口步行至酒店，都要6至7分鐘，與老人家同遊就唔適合！Agoda每晚六百幾蚊，抵住。

附近景點：大濠公園、東長寺、櫛田神社、博多Canal City購物中心

三井花園酒店福岡祇園

地址：福岡市博多區博多駅前2-8-15

預訂：請按此

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！